Mikilvægt fyrir okkur öll.

Blessuð og sæl!
Það er sunnudagur og degi farið að halla þegar þessar línur eru ritaðar.Á morgun er nýr dagur,mánudagur.Það verður góður dagur! Það er sama hverjar kringumstæður þínar eru,það er bara svo gott að hafa það í huga að framundan sé góður dagur.Þú ert líka mikilvægur eða mikilvæg og þitt framlag inn í daginn skiptir máli! Það getur verið að þú fáir einstakt tækifæri til að koma með eitthvað gott þar sem þú ferð.Manneskja sem er jákvæð og sér allt hið jákvæða í kringum sig getur smitað aðra með gleði sinni.Bros og hlýlegt faðmlag geta gert kraftaverk.Þú veist aldrei hverjum þú mætir í dagsins önn,en framkoma þín og mín geta breytt erfiðum kringumstæðum annarra til hins betra jafnvel bara með því að vera jákvæður og hlýlegur.Það er mikilvæg staða í lífinu að færa öðrum þannig jákvæðni og góðvild. Og það er gott að fara inn í daginn með þessa hugsun og vera friðflytjandi til þeirra sem ekki eiga frið í sálinni.Mundu að þú hefur verðugt hlutverk þar sem þú ferð!
Og fyrir alla þá sem nota bænina er gott að hafa í huga að mega fela Guði verk sín og allt það sem framundan er.Og hann mun vera með þér!
Fel Drottni vegu þína og treystu honum og hann mun vel fyrir sjá!
Megi góður Guð blessa þér dagana framundan!

Kærleikskveðja

Halldóra.

Fiskverðhækkað um 18% á viku.

Góðan dag!
Það er ein skemmtileg saga í Biblíunni af sjómönnum og samskiptum þeirra við Jesú.

Ég vildi óska að aðferð Jesú virkaði í dag eins og þá.Lærisveinarnir voru komnir í land og höfðu ekkert fengið, Jesús stóð í landi og spyr þá út í aflann, og fær að heyra að þeir hafi ekki orðið varir.Þá segir Jesús við strákana setjið netin hinum megin, og þeir gerðu það og þeir mokveiddu.Ég hefði viljað vera þarna og sjá undrunar svipinn á piltunum! Og sennilega var ekkert vesen út af verðinu, og kannski gáfu þeir fátækum og nýttu þetta sjálfir.Og svo voru fisktegundirnar örugglega aðrar í vatninu þar, en í sjónum við Íslands strendur.
En ég vona að það komist farsæl og góð lausn inní fiskverðs málin, og að fiskverð hækki ekki upp úr öllu valdi.

Þetta eru nokkur þankabrot í dagsins önn.

njótið dagsins með bros á vör!

Halldóra.

Fiskverð hækkað um 18% á viku

Yfirgáfu kappræður í Hörpu

Sælt veri fólkið!

Verð að játa að ég var með pínu fiðrildi í maganum vegna þessarar útsendingar með forsetsframbjóðendum í kvöld.Svo byrjaði þetta allt með þessari uppákomu.Ég var hálfpartin að bíða eftir ákveðnum aðilla úr þeim hópi sem gekk út.Var pínu forvitin um þann aðilla.svo var þetta bara eins og þetta var.En spurningin er áttu þau að ganga út? Eða skipti það engu máli því þau eru með minna fylgi samkvæmt könnunum?
Það var samt gaman að fylgjast með þessum þætti í kvöld.

Verið Guði falin!

Halldóra.

Yfirgáfu kappræður í Hörpu

Þankar í dagsins önn.

Komið þið blessuð og sæl!

Í Jakobsbréfi Biblíunnar standa merkileg orð og svo sönn:Ef vér leggjum hestum beisli í munn,til þess að þeir hlýði oss, þá getum við styrt öllum líkama þeirra .Sjá einnig skipin,svo stór sem þau eru og rekin af hörðum vindum.Þeim verður styrt með mjög litlu stýri,hvert sem styrimaðurinn vill.Þannig er einnig tungan lítill limur,en lætur mikið yfir sér..Sjá hversu lítill neisti getur kveikt í miklum skógi.
Þessi orð hafa verið mikið í huga mínum undanfarið og ég hef verið að hugleiða þau með sjálfri mér.
Og í hugann kom atvik sem átti sér stað fyrir margt löngu,kannski áratugum eða svo.Einstaklingur talaði um aðra manneskju og setti út á viðkomandi í mín eyru.Ég þekkti viðkomandi ekki neitt og sagði bara,er það? Ég hafði engar forsemdur til að trúa því sem sagt var um þennan ákveðna einstakling.Og mér fannst það frekar súrt að þessi einstaklingur hafði bara ekkert gott við sig að mati þeirrar er sagði mér allt þetta.Svo hefur það gerst að þesi umtalaði einstaklingur er kominn í tölu vina minna.Og ekkert af því slæma sem sagt var um þennan einstakling stenst.Kannski viðkomandi hafi tekið framförum,það getur vel verið,en þessi ágæti einstaklingur er að gera allt það sama og áður.Og er að mér synist bara fyrirmyndar kristinn manneskja.
Biblían segir,dæmið ekki til þess að þér verðið ekki sjálfir dæmdir.Það er gott að hafa það hugfast.
Ég vildi óska að ég hafi aldrei heyrt þetta umtal um saklausa manneskju.En nú veit ég að viðkomandi átti þetta ekki skilið.Og ég er líka fegin að hafa ekki nefnt þetta við nokkurn annann.
Tilefni þessarar litlu reynslusögu minnar er lítil kvatning,en samt svo stór:Gætum orða okkar!

Njótið góða veðursins.Verum góð við hvert annað,því öll dýrin í skóginum eiga að vera vinir!

Guð blessi þig!

Halldóra.
Gætum tungu okkar!