Lamaður drengur gengur á ný.

Heil og sæl!

Nú get ég ekki þagað,verð að samgleðjast þessu fólki sem upplifir þetta kraftaverk fyrir barnið sitt.

Ég veit að margir foreldrar vildu vera í sporum þessa fólks, og sjá barnið sitt sleppa hjólastólnum.

Svo kemur í hugann af hverju sumir fá sitt kraftaverk en ekki aðrir. Ég á svo sem ekki svar við því .Kanski hefur þessi fjölskylda beðið Guð um hjálp,svo er líka hitt að læknisfræði nútímans er stórkostleg.Biblían segir á einum stað að maðurinn sé svo klár að lítið vanti uppá að hann sé jafn fær og Guð.Merkilegt þetta! Svo sjáum við líka hvað skurðlæknis fræðin eru mikil snilld, að geta hjálpað veiku fólki.En hvað sem sagt verður um læknisfræðina klárt og gott fólk,þá er það klárt að á bak við þetta stendur Guð faðirinn. Hann á allt vald á himni og jörðu. Hann stjórnar! Mér finnst það góð tilhugsun að við erum öll í almáttugri hendi hans.Guð hefur tilgang með hvert og eitt okkar, og hann ræður för.Að heyra um þetta kraftaverk fær mig til þess að þakka Guði fyrir að hafa alltaf, hvert skref lífs míns verið með mér.  Hann vill líka fá að vera með þér og styðja þig í lífsins ólgu sjó.

  Nóg í bili. Guð veri með ykkur

                                Halldóra.

Lamaður drengur gengur á ný

Það mikilvæga.

Komið þið blessuð!

Nú er jólaundirbúningur í hámarki hjá flestum.Og margir eru að kaupa gjafir til að gleðja vini sína og börnin sín.Það er mikið að gera og við erum á fullu að láta allt smella saman til þess að jólin geti gengið í garð.Jólin eru hátíð,þau eru fæðingarhátíð frelsarans.Hann fæddist í fjárhúsi og ekkert tilstand.Við ættum að taka mið af því .Við þurfum ekkert að spenna bogann svo hátt til þess að gera þessa hátíð gleðilega.Nú skulum við hugsa öðruvísi en við höfum kanski gert.Förum í kirkju um jólin og tökum þátt í helgihaldi kirknanna.Hlustum á jólaboðskapinn og syngjum jólasálma. Jólin eru fagnaðarhátíð.Ef þér líður illa kæri vinur einhverra hluta vegna langar mig til þess að uppörva þig með því að minna þig á að litla jólabarnið er ekki í jötu í fjárhúsi í Betlehem.Hann er upprisinn og lifir í dag.Hann kemur til hvers og eins sem nefnir nafnið  hans og vill gefa þér frið í hjarta og huga.Biblían kallar hann friðarhöfðingja.Meira að segja gefur Jesús frið sem er æðri öllum skilningi.Hver vill ekki eiga þannig frið?

Svo kemur nytt ár. Ár  sem geymir  eitthvað gott handa þér.En best af öllu er að leggja líf sitt í hendur Drottins.Komdu með vonbrygðin efann og hvað eina sem íþyngir þér til Drottins Guðs og biddu hann að vera þér nær.Og hann mun vera þér nær.En þú verður að biðja hann að vera þér nær.Svo í öllum aðstæðum lífsins skalt gera eins og ég hef svo ótal sinnum gert leggja líf þitt í hendur hans. Biblían kallar Drottinn líka Undraráðgjafa og  það mun koma eitthvað gott út úr því

ef þú gefur honum aðgang að hjarta þínu.Og Biblían nefnir hann líka Eilífðarföður, og það er svo áríðandi  að þú gerir upp við Guð Hvort þú viljir fylgja honum og leyfa honum að vera vinur þinn.Ég kvet þig til að leggja líf þitt í Drottins hendur og fylgja honum.

 Guð gefi ykkur gleðileg jól og blessunarríkt nýtt ár í Jesú nafni!

       Kær kveðja úr Garðabæ 

                                            Halldóra.