Stofnaði fyrirtæki annan í jólum.

Sæl verið þið!

Það var fjölskylduboð hér  á annan dag jóla sem er ekki í frásögu færandi nema hvað ég stofnaði fyrirtæki! Þannig er að ég hef  tekið að mér ráðgjöf og sálgæslu gegnum tíðina, og synir mínir hafa orðið vitni að því alla sína tíð.Og ég hef unnið þetta verk með gleði, og oft séð mikinn árangur af þessu starfi.Gunnar sonur minn kom með þá uppástungu að nú væri kominn tími á að ég opnaði stofu og ég ætti að selja þessa þjónustu dyrt,enda væri mikill árangur af starfi mínu.En þar sem ég veit að þú ert svo góð í þér myndirðu aldrei taka neitt fyrir þessa þjónustu.Þá er best að ég sjái um þá hlið sagði hann! Þessi frásaga af okkur hér bar einmitt á góma í téðu jólaboði, nema hvað útfærslan varð  heilt fyrirtæki. Þannig er mál með vexti að bróðursonur minn hann Ásgeir  er að læra félagsráðgjöf, og okkur  datt í hug að opna stofu með sálgæslu og félagráðgjöf í huga. Og þetta verkefni vatt heldur betur upp á sig,mamma sagðist geta verið við símsvörun og Ásgeir maðurinn minn gæti verið í móttökunni og kærastan hans Ásgeirs sem er í lögfræði gæti séð um að innheimta ef með þyrfti. Já! Og þar með varð þetta fyrirtæki okkar Ásgeirs til í jólaboði. Þetta gekk svo langt að við fundum nafn á þetta skemtilega fjölskyldu fyrirtæki " Ráðgjafastofa Dóru og Ásgeirs" Svo var hlegið og hlegið Þetta var virkilega skemtilegt jólaboð! Ekki má gleyma því að það var farið í alskonar skemtileg spil, sem allir höfðu gaman að,eftir allann hátíðarmatinn. Ég er ekki frá því að svona jólaboð eigi að vera oftar.

Kæru vinir! Drottinn Guð blessi ykkur öll!

                      Halldóra.