Bænin.

Blessuð öll!

Mig lamgar til að fjalla um bænina hér í dag. Bænin er lykil atriði samfélags okkar við Drottinn.

Bæn okkar getur verið hróp til Guðs, eða bara hljótt andvarp.Fögur orð eru ekki það sem hrífur Guð,það  er afstaða hjartans, sem breytir öllu. Biblían segir Knyjið á, og fyrir yður mun upp lokið verða.

Stundum fáum við bænasvar strax, og  á öðrum stundum verðum við að biðja með þrautsegju, jafnvel

í langann tíma.Bænin er því leyndardómur, á meðan að allir menn hafa aðgang að henni.Sjálf er ég í nánum tengslum við bænina.Í mínu persónulega trúarlífi og svo þjóna ég á bænalínunni á Lindinni, og þar fæ ég að heyra um stórkostleg bænasvör, sem jafnvel engir aðrir fá að heyra um.Ég ætla ekki að fara neitt dypra í það mál hér.En eitt er víst að það hafa gerst  hin ótrúlegustu kraftaverk.

Í 1. Pétursbréfi 5:7 setendur: Varpið allri áhyggju yðar á hann, því hann ber umhyggju fyrir yður.

Það er bæn að koma með áhyggjur sínar fram fyrir Drottinn, og biðja hann um hjálp. Eyru Drottins eru ekki svo þykk að hann heyri ekki! Hann hlustar, og kemur til bjargar á réttum tíma, allavega ekki of seint,ef við erum trúföst.Þú skiptir Drottinn máli. Hann elskar þig og vill vera þér samstíga,

hjálpa þér og vera með þér í ólgu sjó lífsins.Bænin er sú leið. Tilvera okkar verður öll léttari og ánægjulegri ef við leggjum allt í Drottins hendur.Þessvegna notaðu bænina, treystu Drottni og hann mun vel fyrir sjá!

                      Megi Drottinn blessa þig ríkulega, og allt þitt hús!

                                          Kveðja

                                                          Halldóra Ásgeirsdóttir