Meistaraverk.

Komið þið sæl!

Hef verið að hugleiða hvað við eigum mikinn og stórann Guð. Var að lesa í spádómsbók Amosar  1:8

Hann sem skóp sjöstjörnuna og Óríon,sem gjörir niðamyrkrið að björtum morgni og dag að dimmri nótt,sem kallaði á vötn sjávarins og jós  þeim yfir jörðina,Drottinn er nafn hans.

Mér finnst alveg magnað að tilheyra þessum skapara himins og jarðar. Hann festi stjörnurnar á himinhvolfið og  gaf þeim nafn. Er þetta ekki stórkostlegur Guð? Hvað hann vandaði sig við að skapa þessa veröld. Svo skapaði hann okkur mennina.Hafið þið nokkurntíma hugsað út í það hvað hann vandaði sig mikið? Það er bara til eitt eintak af þér  og bara eitt eintak af mér! Sérhönnuð á teikniborði hans! Mér verður nær orða vant ég er svo heilluð af Drottni mínum.Ástæðan fyrir að þú ert þú er af því að hann skapaði þig  eins og hann er ánægður með. Og hann hefur fyrirætlanir í hyggju með þig!

Hvert smá atriði í þínu lífi var sérhannað af Guði föður skapara himins og jarðar.Alveg eins og stjörnur himinsins. Þú ert ekki eitthvað,þú ert Meistaraverk Guðs.

 Svo heldur textinn áfram: Leitið hins góða,en ekki hins illa til þess að þér megið lífi halda, og þá mun Drottinn Guð alsherjar vera með yður.

                                     Kærleiks kveðjur 

                                              Guð blessi þig!

 

                                                                Halldóra.