Sennilega lesa þetta fáir.

Heil og sæl gott fólk!

Hve dyrleg er sú vissa

að vita að Jesús er 

sá vinur, sem á himnum

biður fyrir mér,

Hann fyrirgefur misgjörðir,

sjúka læknar sál.

Hann sér og skilur ávallt

hin leyndu hjartans mál.

 

Hann elskar mig,hann elskar,

hann elskar mig svo heitt.

Hann veit hvað hjartað þráir

og synjar ekki um neitt.

Hann frá mér voða víkur

og vota þerrar brá.

Ég vieit um eilífð alla

ég uni Jesú hjá.

  Kristrún S. Jónsdóttir.

 

Við sem unnum kristilegum sálmum,höfum yndi af að lesa svona texta,því miður kann ég ekki lagið við þennan söng ef hann er þá til.

Ég kann alveg ógrynni af kristilegum söngvum, og langar til að setja hér inn við og við einhver gullkorn úr þeirri flóru.Veit þó að það eru ekki margir sem, hafa yndi af þessu eins og ég .En hvað um það, boðskapurinn er góður!

Hvað er betra en að vita það að Jesús biður fyrir okkur?

                                          Kærar kveðjur

                                                  Halldóra.