Þakklæti.

Góða dag!
Við íslendingar erum mjög blessuð þjóð,og höfum búið við velmegun á mörgum sviðum.En við höfum gleymt að vera þakklát,og tekið hlutunum sem sjálfsögðum.
Ég er viss um að margir gleyma að þakka fyrir að vakna heilbrigðir og glaðir hvern dag!Og við höfum haft í okkur og á, en gleymt að vera þakklát.Og ymsir hafa lifað í miklum vellystingum,en ekki kunnað að vera þakklátir.Þannig er allt of mörgum farið.Ég er viss um að sá sem er þakklátur fyrir líf og heilsu og það sem hann hefur af efnislegum gæðum er hamingjusamari en sá sem á miklu meira en nóg af öllu!
En það er ekki nóg að hafa það gott,ef sálinni líður ekki vel.En sem betur fer er til hjálp fyrir flesta sem þannig er ástatt.Og svo eru það þeir sem líður ekkert sérstaklega vel á þessum dimmasta tíma ársins hér á landinu bláa og finna fyrir þunglyndi,og vita það samt að þetta lagast allt með hækkandi sól.
Þá er svo gott að muna eftir honum sem er Ljós heimsins! Honum sem er alltaf til staðar og vill hugga og hjálpa.
Honum sem er alltaf hjá okkur en er samt svo hljóður að við tökum varla eftir því.En eitt er alveg öruggt og það er að ef þú nefnir nafnið hans,nafnið Jesús kemur hann nær! Og hann þráir að þú komir og talir við hann um allt sem þér liggur á hjarta.Hann sem er Ljósið vill lýsa upp tilveru þína, og gefa þér gleði og hugrekki.
Í hinni helgu bók stendur:Jafnvel þótt ég fari um dimman dal,ert þú hjá mér.

Kæru vinir!Verum þakklát og gleymum ekki Jesú sem er Ljós lífsins!

Kærleiks kveðja

Halldóra.