Draumurinn.

Komið þið sæl!
Það hefur komið nokkrum sinnum fram hér á blogginu að mig dreymir oft mjög mikið
og oft eru það draumar með góðum boðskap,sem sé ekkert rugl eins og sumir draumar eru.
Nema hvað, mig dreymdi draum fyrir nokkru:Dreymdi ægilega stóra jarðýtu koma eins og ofan af Hellisheiði, og hún ruddi miklum snjó og ófæru á undan sér og opnaði veginn sem var algerlega ófær vegna veðurs og mikillar snjókomu.En það sem gerði þennan draum eftir minnilegan,er að við stýrið var sjálfur frelsarinn.
Og ýtan var ekki knúin áfram með bensíni,heldur var hópur fólks sitthvoru megin við ýtuna og kraftur hennar var biðjandi fólk.Fólk sem stóð bænavaktina og bað, hvernig sem viðraði og vék ekki frá þessari ýtu.Og mér fannst eins og ýtan væri að koma með nýjan og ferskan vind frá augliti Drottins.Vakningu til þjóðarinnar.
Og mér fannst eins og ýtustjórinn sem var frelsarinn,kalla út um gluggann til mín.Að hann sé að ryðja veginn fyrir vakningu og endurnýjun til íslensku þjóðarinnar.Og hann vilji gera það með miklum krafti.Búsáhalda byltingin svokallaða, vakti mikla eftirtekt.En þessi vakning myndi vekja meiri athygli og margir fá snertingu Guðs góða heilaga anda.Og á meðan þessu samtali stóð hélt fólkið áfram að standa bænavaktina, og lét ekkert trufla sig.
Og áfram hélt ýtan og ruddi veginn og sá sem styrði var á leiðinni til að mæta fólki og gefa þeim nýtt líf með sér og endurnýja trú og samfélag þeirra sem hafa verið hálfvolgir.
Ég er búin að hugsa mikið um þennan draum, og ákvað að byrta hann hér.

Drottinn blessi ykkur!

Bestu kveðjur

Halldóra.