Farfuglarnir koma heim.

Góðan dag!

Það eru ávallt gleðifréttir þegar  fiðruðu vinir okkar koma til okkar.Mér finnst það alltaf jafn mikið kraftaverk að þeir skuli hafa þetta þol,þó að þeir noti vindinn sér til hjálpar.Undanfarin ár hefur tjaldur verpt hér í nágrenninu og hefur mér þótt gaman að fylgjast með þessari litlu fjölskyldu.Í gærdag fannst mér ég heyra í tjaldinum vini mínum á sama stað og undanfarin ár.Og hann blystraði eins og hann væri að heilsa og tilkinna komu sína.Og nú er ég spennt að vita hvort ég sjái þessa vini mína í dag.

Ég er líka búin að sjá skógarþrastar par með mosa í nefinu.Þannig að hann var greinilega byrjaður að gera sér hreiður stað.

Svo eru blómin mín sem ég klippti niður á dögunum  orðin myndarleg og teigja sig til sólarinnar.Meira að segja kaktusinn er að búa sig undir að blómstra.

Skrifandi um þessar blessanir lífsins með þakklæti og virðingu,þá bið ég Guð að blessa  íslenska þjóð,og bið frið sem er æðri öllum skilningi yfir okkur öll.

     Góðar stundir.

                    Halldóra Ásgeirsdóttir.

 

 

Farfuglarnir koma heim