Þetta dreymdi mig í nótt.

Blessuð og sæl öll!

Ég er helst á því að mig hafi dreymt dæmisögu Jesú þegar hann mettaði fimm þúsund mans,

því mér leið eins og ég hafi verið mitt á meðal fólksins, og hafði nylega þegið brauð úr lófa Jesú.

Þessvegna ætla ég aðeins að fara í nokkur atriði úr þeirri frásögu,því hún er afar fögur og í senn

gefandi.Þetta hefst allt á því að Jesús sendir lærisveinana út tvo og tvo saman, og gefur þeim vald

til að vinna verk sem hann gerði sjálfur venjulega,og þarna eru þeir að koma aftur til baka, og eru að segja Jesú frá öllu því sem þeir höfðu gjört og kenn Ég er vissum að á þessari stundu voru þeir spenntir og glaðir að segja frá.Og Jesús hlustar,en segir svo:" Komið nú á óbyggðan stað,svo að við séum einir saman,og getum hvílst um stund.En fólk var stöðugt að koma og fara, svo að þeir höfðu ekki næði til að matast.Og þeir fara saman á bát,en fólk sá til þeirra og kom gangandi úr öllum borgum,og var jafnvel komið á undan þeim.Jesús kenndi í brjóst um þetta fólk og kenndi þeim margt,því þau voru eins og sauðir er engann hirði hefur. Og tíminn leið,og langt var liðið á daginn.Þá sögð lærisveinarnir við Jesú : Láttu fólkið fara því hér er langt til byggða , svo fólkið geti keypt sér eitthvað að borða.Þá segir Jesú þessa undarlegu setning:" Gefið þeim sjálfir að borða" eigum við að fara og kaupa brauð fyrir þann litla pening sem við erum með? Ég get vel ímyndað mér að þeir hafi verið hissa.Jesús sagðiFarið og gætið að hvað mörg brauð eru hér.Svo hafa þeir farið gengið milli fólksins, og koma með fimm brauð og tvo fiska. Kanski var þessi fiskur einhverskonar sardínur til að hafa með brauðinu.Svo segir Jesús  lærisveinunum að láta fólkið setjast í grasið og skipta sér í hópa.

Á meðan þeir gerðu það tók Jesús brauðin og fiskana,leit upp til himins og þakkaði Guði,síðan skipti hann þessu milli lærisveinanna og bauð þeim að bera þetta fram fyrir mannfjöldan.og allir urðu mettir.Og svo tóku þeir saman afganginn,tólf körfur, svo og fisk leifarnar.Og það er tekið fram að þarna hafi verið um fimm þúsund karlmenn, og þá auðvitað fjöldi kvenna og barna.Þarna var Jesús

að syna okkur hvern mann hann hafði að geyma.Hann gerði þetta svo fólkið örmagnaðist ekki á leiðinni heim.Hér byrtist kærleikur Jesú  á undraverðan hátt.Svo heldur sagan áfram.Jesús sendir

lærisveinana frá sér til yfir til Betsaída, síðan kveður hann fólkið  og sendir það brott, en fer sjálfur til fjallsins til að biðjast fyrir.

Það sem blessar mig mjög er hvað Jesús getur gert mikið úr litlu.Ef þú ert með áhyggjur af afkomu þinni um þessi mánaðarmót, eins og svo margir eru, skaltu lyfta þessum áhyggjum þínum til Jesú,

biðja hann um lausn og hjálp,og gera þitt besta til þess að svo geti orðið.Hann getur breytt kringumstæðum.Hann er lausnarinn! Hann elskar þig! og vill vera með þér á hverju sem gengur.

Jesús átti næðisstund með lærisveinunum,hann þráir slíka stund með þér.

                                      Kveðja frá mér til þín

                                            Halldóra.