Af ávöxtunum skuluð þið þekkja þá.

Heil og sæl öllsömul!

Hér á árunum áður auglystu Silli og Valdi " Af ávöxtunum skuluð þér þekkja þá", þá var átt við  þá ávexti, sem  þessir góðu menn seldu.En  þessa setningu fengu þeir úr hinni helgu bók. Þar er átt við

það hvaða mann við höfum að geyma." Af gnægð hjartans mælir munnurinn" Góður maður ber gott fram úr góðum sjóði, en vondur maður ber vont fram úr vondum sjóði. Og Jesús tekur til máls og segir: Hvert ónytjuorð sem menn mæla , munu þeir verða að svara fyrir á dómsdegi.Því að af orðum þínum muntu syknaður, og af orðum þínum muntu sakfelldur verða. Matt. 12:33-36

Það verður mér alltaf ljósar og ljósar hvað það er mikill vandi að vera manneskja og velja orð í  tjáskiptum við annað fólk.Sumir eru svo móðgunargjarnir,að það hálfa væri nóg, og fílóttir.Og maður tiplar á tánum í orðavali til að styggja ekki viðkomandi.Aðrir eru svo hvassir að maður hrekkur í kút í hjartanu þegar þeir opna munninn.Svo er til fólk sem er svo elskulegt og nærgætið, segir aldrei neitt

sem styggir.Þeir eru alltaf svo ljúfir.Svo segir Biblían að af gnægð hjartans mæli munnurinn!

Er það ekki merkilegt að við opinberum okkur með þeim orðum sem við notum. Það á ekki bara við í

samskiptum við ókunnuga heldur líka í okkar nánasta umhverfi. Sjálf fer ég oft yfir það í huganum

hvort ég hafi verið frelsaranum til skammar með orðum mínum yfir daginn.Og mér finnst það góð

sjálfsskoðun.Ég spyr mig gjarnan ,hef ég blessað einhvern í dag, og ég vona að svo hafi verið.

Ég held að við höfum mikið með það að segja hver við erum, við erum ekki fædd fílupokar, frekjur eða annað þessu líkt,þetta eru allt siðir sem við höfum tekið upp á lífsleiðinni,annað hvort var einhver fyrirmynd sem við vildum líkjast úr okkar nánasta umhverfi, eða annars staðar frá.

Gott og vel.En munum að við erum erindrekar Jesú Krists hér í þessum heimi, við sem tilheyrum honum.Hlytt klapp á bakið, bros ogingjarnlegt tal, gera alltaf svo mikið.Látum sjóð hjartans okkar ekki þrjóta, miðlum hlyju og kærleika til allra manna.

Þetta er gott til umhugsunar fyrir okkur öll!

                         Bestu kveðjur

                                              Halldóra.
 

Athugasemdir

[Linda, 15.6.2008 kl. 11:24]

Góður pistill hjá þér Halldór, þakka þér fyrir hann.  Eigðu yndislegan upprisu dag með Drottni okkar og frelsara.

knús og kv.

[Linda, 15.6.2008 kl. 11:25]

vitanlega átti þetta að vera "Halldóra" ekki Halldór, ég er með stíft lyklaborð.