Það varð allt í einu augljóst.

31.1.2010 | 21:58

Það varð allt í einu augljóst.

Komið þið sæl!

Var að glugga í Biblíuna í dag, eins og ég geri svo oft. Og það varð vers á vegi mínum sem fékk mig til að lesa það aftur og aftur.Versið er svona: Ekki dirfumst vér að telja oss til þeirra eða bera oss saman við suma af þeim ,er mæla með sjálfum sér.Þeir mæla sig við sjálfan sig og bera sig saman við sjálfan sig og eru óskynsamir. 2. kor, 10:12

Sumt fólk hefur svo gríðarlegt sjálfsálit að það hálfa væri nóg.En það sem verra er að þannig fólk er oftast frekar leiðinlegt,því að það reynir að upphefja sig á kostnað annara,sem er ljótt.Enda segir þetta vers að það sé óskynsamlegt.Merkilegt hvað Guðs orð tekur á mörgum þáttum hins mannlega lífs.Biblían er líka einstök bók! Hún segir okkur líka að við eigum að líkjast Kristi sem sagði ég er hógvær og af hjarta lítillátur.Sumt fólk hefur þann ljóta sið í sínu lífi að niðurlægja aðra til þess eins að upphefja sjálft sig.En við ættum að forðast það,og reyna eftir fremsta megni að líkjast Kristi.Þá er gott að muna eftir þessu versi.En svona er það með þessa mögnuðu bók,maður les þetta blessaða orð,svo allt í einu kemur maður auga á eitthvað nýtt í þessu orði. Læt þessar hugrenningar fylgja þessu góða versi úr Guðs orði í þetta sinn.Og bið Drottinn Guð að gefa þér náð til þess að eiga frelsarann sem fyrirmynd í öllu þínu lífi.

Guð veri með ykkur alla daga!

Halldóra.

Flokkur: Bloggar | Facebook

Athugasemdir

Það er ekki að ástæðulausu að Biblían er mest selda bók í heiminum enda bók bókanna. Hún er orð Guðs til okkar, full af speki og opinberun á kærleika Guðs til okkar. Það væri óskandi að fleiri tækju sér tíma til að lesa hana og tileinka sér þann boðskap sem hún gefur okkur. Heimurinn væri betri staður að búa á ef allir færu eftir þeim ráðum sem Guð gefur okkur í orði sínu.

Edda Karlsdóttir (IP-tala skráð) 31.1.2010 kl. 22:16