Lóan er komin.

Komið þið sæl!

Það hefur alltaf verið mikið gleðiefni þegar blessuð lóan er komin.Það fer alltaf notalegur straumur um sálartetrið við þessa góðu frétt. Sjálf var ég á göngu í miðbæ Reykjavíkur í dag í góða veðrinu. Fólk sat á bekkjum og spjallaði saman,konur með barnavagna og börnin sitjandi uppi í sumum vögnunum.Afskapæega vorlegt! Samt ekki stuttbuxna veður.Ég sá í nokkrum görðum að krísurnar voru blómstrandi.Og ég velti því fyrir mér hversu tilveran væri tómlegri ef saumar fuglarnir kæmu aldrei hingað.Vil bara ekki hugsa þá hugsun til  enda.Það er bara óskandi að veðrið leiki við blessaðar lóurnar,því ég minnist þess að eitt vorið komu þær í þetta fína veður hér norður frá,en svo kom þessi líka mikli snjór og það hefur örugglega ekki verið það besta fyrir vorboðann.Svo er daginn farið að lengja talsvert, og ég er nú svo mikið byrtu barn í hjartanu,að ég dreg gluggatjöldin frá á nóttunni til þess að bjóða  morgunbyrtunni inn.Guð er líka svo  góður að senda okkur þessa fugla til þess að  auðga lífið hér.Svo er það eldgosið,mögnuð fegurð, og synir okkur einu sinni enn hversu stórfengleg sköpunin er af hendi föðurins himneska. Svo vil ég bara segja eitt í lokin,og það er að Drottni Guði tókst vel þegar hann skapaði þig! Og hann situr á himni og biður fyrir  okkur. Já, við erum undir mikilli náð.

     Kærleiks kveðjur

                              Guð blessi þig!

 

                                       Halldóra. 

Lóan er komin...