Vill ekki auka framlög til Hjálpræðishersins.

komið þið sæl!

Ég er svo gáttuð á þessu orðskrípi "gildishlaðin lífsskoðunar samtök"
að mér fallast hendur.Og svo stendur í þessari frétt að:"Fulltrúi VG í velferðarráði Rvk. lýsi andstöðu að borgin væri að beina utangarðsfólki í auknu mæli í dagsetur vegna "gildishlaðinna lífsskoðunarsamtaka" Þvílíkt og annað eins.það vita nú fleiri en ég að hjálpræðisherinn byrjar ekki fyrst á að koma með trúna til þessa hóps,þau taka hins vegar á móti fólki sem til þeirra leitar og sýnir þeim sem minna mega sín kærleika og virðingu,með því að gefa þessu fólki að borða.Og þetta get ég sagt því ég hef séð það með mínum eigin augum! Og sé þetta fólk illa klætt þá er því gefið eitthvað hlýtt til að klæðast.Og ég hef horft upp á Hjálpræðishers fólk þerra tárin af augum þessa fólks þegar enginn annar gerði það.Ef þetta er ekki kærleikur í verki þá veit ég ekki hvað það er.
Og að borgin beini þessu fólki til Hjalpræðishersins og Dagseturs,er engin furða því að þar er kærleikur og hlýja númer eitt.
Sjálf hef ég stutt við þetta starf með því að gefa góðan fatnað sem getur nýst þar.Og það gera örugglega margir aðrir.Svo mér finnst bara hreint út sagt að borgin ætti að meta þetta fórnfúsa starf og styðjafjárhagslega við það.
Og að fulltrúi í Velferðarráð skuli láta sér svona nokkuð um munn fara er til háborinnar skammar (afsakið orðbragðið)
Gott fólk er ekki bara kominn tími til að láta kærleikann tala?
Hjálpræðisherinn fær allavega blessunaróskir frá mér!!

Kær kveðja

Halldóra.

Vill ekki auka framlög til Hjálpræðishersins

Athugasemdir

[Sigurður Þorsteinsson, 18.3.2012 kl. 17:14]

Halldóra Tek helshugar undir með þér.

[Sævar Óli Helgason, 18.3.2012 kl. 17:38]

Og ég tek undir sömuleiðis... Eitthvert verða okkar minnstu bræður að geta sótt...

[Sleggjan og Hvellurinn, 18.3.2012 kl. 21:03]

Alþjóðleg yfirlýsing Hjálpræðishersins

• Hjálpræðisherinn er alþjóðleg evangelisk hreyfing, hluti af hinni almennu kirkju.
• Boðskapurinn grundvallast á Biblíunni. 
• Þjónustan er knúin af kærleika Guðs. 
• Verkefnið er að boða fagnaðarerindið um Jesú Krist og í nafni hans mæta mannlegri neyð án þess að mismuna fólki.

[Páll (IP-tala skráð) 18.3.2012 kl. 23:42]

Þið virðist ekki alveg átta ykkur á hvað er að baki þessum orðum Þorleifs. Hann er einfaldlega að gagnrýna að veiku fólki sé ekki frekar beint í faglega aðstoð og úrræði, og jafnvel gagnrýna að slík úrræði séu af skornum skammti. Þessi ummæli koma Hjálpræðishernum í sjálfu sér ekkert við og tilgangurinn ekki að kvarta yfir þeirra starfi. Tilgangurinn er að gagnrýna borgaryfirvöld fyrir úrræðaleysi og viljaleysi til úrræða.

[Jón Ríkharðsson, 19.3.2012 kl. 01:08]

Sammála þér Halldóra, en hvar er DoctorE, er hann eitthvað lasinn?

Það er reyndar flensa í gangi, en hann mætir þegar hann hressist.

Þú nefndir eitthvað jákvætt varðandi kristnina, hann getur ekki hafa látið þetta framhjá sér fara, ég bara trúi því ekki.

[Halldóra Ásgeirsdóttir (IP-tala skráð) 19.3.2012 kl. 12:06]

Takk fyrir þetta Jón, og þið hin sem hafið kommentað.

Já átti aveg eins von á Doctor E karlinum,en hann kannski grunar að mig grunar

hver hann er.Og það er örugglega ekki gott.

Guð veri með ykkur!

[Rósa Aðalsteinsdóttir, 21.3.2012 kl. 13:25]

Sæl öll.

Ég á vinkonur sem því miður eiga ekki góða reynslu af faglegri aðstoð.  Ég veit að heilbrigðisgeirinn hafnaði syni vinkonu minnar en hann þurfti að komast á spítala og þurfti á andlegri og líkamlegri hjálp að halda. Hann dó á götunni.

Þar sem ríkið hefur brugðist sjálft með hjálparstörf þá ætti ríkið að gera allt sem í þeirra valdi stendur til að aðstoða þá sem vinna sjálfboðastarf að hjálpa þeim sem minna mega sín. Alveg sama hvort það sé gildishlaðið kristni eða ekki.

Af hverju eiga sjálfboðaliðar björgunarsveita að taka sér frí frá vinnu og fara uppá Vatnajökul að ná í fólk í neyð eins og nú nýlega á sinn kostnað? Hvar er ríkið? Er þetta ekki samfélagsleg skylda en ekki sjálfboðastarf. Tek það fram að ég er svo þakklát fyrir björgunarsveitirnar en mér finnst að ríkið eigi að styðja myndarlega við starfsemi þeirra.

Af hverju eiga samtök eins og Mæðrastyrksnefnd og Fjölskylduhjálpin að safna og safna peningum til að geta keypt mat og gefið þeim sem eiga hvorki í sig og á? Hvar er ríkið og borgin?

Mér finnst allt hjálparstarf þakkarvert en ríkissjóður, borgarsjóður og sjóðir bæjar- og sveitafélaga eiga að standa á bak við þessi félög þar sem þessir aðilar eru ekkert að gera sjálfir. Allt þetta er samfélagslegt verkefni og við sem þjóð eigum að hjálpa þeim sem minna mega sín en mér finnst ríkið, borgin og sveitafélögin hafa brugðist og látið aðra um að hjálpa þeim sem minna mega sín og eru alls ekki að styðja við þessi félög en það er skylda þeirra. Þetta eru jú ekki bara peningar ríkisstjórnarinnar, borgarstjórnarinnar og bæjar- og sveitasjórnar heldur okkar peningar og við viljum láta hjálpa þeim sem þess þurfa. Þetta er samfélgsleg skylda okkar. Við eigum öll að vera jafningjar en erum það ekki.

Nær væri að hafa eitthvað af þessu ágæta fólki á launum frá ríkinu heldur en að moka peningum í 63 þingmenn sem hafa það eitt fyrir stafni að rífast allan daginn á Alþingi og á sama tíma brenna heimili landsmanna upp fjárhagslega. Það þarf að slökkva eldana í lánum landsmanna. Lánin vaxa hraðar er gorkúlur.

Shalom/Rósa

[Sleggjan og Hvellurinn, 21.3.2012 kl. 17:32]

Byrgið er dæmi um starfsemi, knúið af guði og  heilögum anda,  sem var stutt af ríkinu.

Þú veist hvernig það fór.

[Rósa Aðalsteinsdóttir, 21.3.2012 kl. 19:16]

Sleggjan og Hvellurinn

Datt þetta biblíuvers í hug þegar ég las innleggið þitt:

Matteusarguðspjall 24:5
Margir munu koma í mínu nafni og segja: ,Ég er Kristur!` og marga munu þeir leiða í villu.

Því miður hefur fólk bæði innan kristna geirans og einnig almennt farið út í hjálparstarf á röngum forsendum. Mikið af þessu fólki er andlega brenglað í kynferðismálum og margir hafa orðið fyrir misnotkun af þeirra völdum og við getum alveg eins bent á Breiðavíkurdrengina sem urðu fyrir sálarmorði sem börn og unglingar. Þetta gerðist líka á Bjargi og einnig í Byrginu. Skjólstæðingar Byrgisins voru eldri en þau urðu fyrir sálarmorðum einnig vegna misnotkunar.

Við verðum að vona að innra eftirlit verði hert þegar ríkið sem erum við þjóðin, eru að styrkja hjálparstarf. 

Ég treysti því að ekkert svona muni henda en þá verður að herða á eftirliti. Þeir sem hafa hreina samvisku hljóta að þakka fyrir að það sé fylgst með þeim en ekki hinir.

Nóg komið af sálarmorðum.

Guð veri með þér Sleggjan og Hvellurinn. Við ættum að fara saman niður á Austurvöll og vera með hvelli og hávaða.

Kær kveðja/Rósa

[Sleggjan og Hvellurinn, 22.3.2012 kl. 23:23]

Amen