Falleg saga af Gústa Guðsmanni.

Komið þið sæl!
Á dögunum heyrði ég fallega sögu af Gústa Guðsmanni.Hann gerði út trillu á Siglufirði ásamt með eigandanum sjálfum Guði! Og andvirði aflans rann til kristniboðs.Þessi sögu frægi maður var trúaður.Einu sinni var hann sem oftar úti á bátnum sínum ásamt öllum hinum sem stunduðu sjóinn í ágætis veðri.En allt í einu gerði vont veður og allir bátarnir komu í land.Allir nema Gústi.Það var gerður leiðangur til að leita að Gústa.Eftir nokkra stund fannst Gústi á bátnum sínum.Það var svo einkennilegt að á þeim bletti sem hann var,var lygndur sjór og óveðrið allt í kring.Og á þessum ltla bletti var Gústi og söng hástöfum "Hærra minn Guð til þín" Mitt í stormi lífsins söng þessi gamli Guðsmaður!

Þessi frásaga minnti mig óneitanlega á Pál og Sílas Biblíunnar,sem voru fangelsaðir og stokkur settur yfir fætur þeirra svo þeir slippu ekki.Lýsingarnar á meðferð þessara manna sem höfðu ekkert gert af sér eru ekki fagrar,en í þessum erfiðu kringumstæðum sungu þeir lofsöng til Drottins Guðs.En það sem gerðist var mikið undur því hlekkirnir losnuðu af þeim og dyr fangelsisin opnuðust.

Ef við erum í erfiðum kringumstæðum ættum við að prófa þessa leið,sem bæði Gúst Guðsmaður og hetjur Biblíunnar þekktu.Og var þeim til hjálpar.

Guð blessi þig!

Halldóra Ásgeirsdóttir.

Athugasemdir

[Axel Jóhann Hallgrímsson, 12.3.2012 kl. 15:38]

Mikil er trú þín kona að þú trúir þessu bulli.

[DoctorE (IP-tala skráð) 12.3.2012 kl. 16:05]

Það er ótrúlegt hverju hún Halldóra trúir.. En hún ritskoðar ekki eins og sum trúsystkini hennar.. það er plús.

[Jón Ríkharðsson, 13.3.2012 kl. 02:53]

Eg bjó lengi á Siglufirði Halldóra mín og þekki þessa frásögn ágætlega.

Þessi saga er sönn, þeir sem að komu að honum eru ekki yfirlýstir trúmenn, ósköp venjulegir sjómenn. 

Gústi er einn af fáum sem gaf allt sitt til fátækra og hugsaði aðeins um Guðsríkið.

En aðra sögu kann ég af honum kallinum, sem er líka sönn.

Það var snarvitlaust veður og Gústi var á sjó á bátnum sínum. Mönnum var farið að lengja eftir honum, þannig að ákveðið var að einn sem átti frekar stóran bát ákvað að sigla út og gá að honum.

Þegar báturinn var kominn út að fjarðarmynninu, þá sáu þeir Gústa koma siglandi á litla bátnum.

Gústi siglir í áttina að bátnum og þeir henda til hans spotta. Kallin klifrar um borð og hleypur inní stýrishúsið og hundskammar skipstjórann fyrir að leggja út í þetta óveður. Það fauk í kafteininn og hann sagði Gústa að þeir hefðu farið að leita að honum.

Þá sagði Gústi við hann, að það þyrfti ekkert að óttast um hann, Guð sæi nefnilega um hann og kæmi honum heilum að landi. "En ég veit ekkert um ykkur, eruð þið ekki hundheiðnir?" bætti hann við.

Við skömmumst okkar ekki fyrir trúna Halldóra mín og hlustum ekkert á röflið í öðrum.

Ég sé að doktorinn sýnir þér sömu tryggð og hann sýnir mér, hann er ótrúlega naskur að finna öll skrif um trúmál, það má hann eiga. 

[Halldóra Lára Ásgeirsdóttir, 13.3.2012 kl. 09:02]

Takk fyrir þetta Jón.Það eru margar perlurnar um hann Gústa,satt er það.

Það að ég sé mikil trúkona,er bara heiður fyrir mig.

Held að þegar í nauðirnar rekur,þá ákalli menn (og konur)Guð!

Vertu Guði falinn!

[DoctorE (IP-tala skráð) 13.3.2012 kl. 09:16]

Já krakkar. 3ju hverja sekúndu deyr barn úr hungri/vosbúð.. barnið hrópar á hjálp veikum mætti.. foreldrar og ættingjar geta ekkert gert.. börnin deyja: Það væri annað ef þau væru eins og Gústi Guddagaur, sérinlimaður í hina himnesku mafíu..

Þessar sögur eru stúpid krakkar, þið vitið þetta vel..

[Halldóra Lára Ásgeirsdóttir, 13.3.2012 kl. 11:22]

Doktor E!

Hér er ekki verið að tala um hörmungarnar í heiminum,hungur eða sjúkdóma.

Það veist þú nú manna best hvað það allt er dapurlegt.

Ég er bara að draga upp þá mynd af manni sem treysti Guði sínum.

Og ég veit að þörfin fyrir Guð býr í öllum.Og það sem skilgreinir Drottinn

Guð skapara himins og jarðar frá öðrum guðum er að hann lifir!

Vildi að ég gæti sagt þér frá kraftaverki sem ég upplifði fyrir ári síðan,

en gagnvart því eru aðrir doctorar orðlausir.það er kraftaverk! Og tákn þess að

Drottinn Guð lifir!

Vertu guði falinn!

[DoctorE (IP-tala skráð) 13.3.2012 kl. 11:59]

Þið eruð að benda á hlægilegar galdrasögur um áhangendur þessa galdrakarls... auðvitað bendi ég á raunveruleikan í þessu samhengi. Á meðan að guðinn gælir við Gústa.. þá hrinja niður þúsundir barna, úr HUNGRI HALLó, við erum ein, það kemur ekki neinn og bjargar okkur.. það eina sem við höfum er hvort annað
"Kraftaverk" er bara nafn yfir eitthvað sem er hugsanlega óútskýrt, það hafa fundist eðlilegar útskýringar á mjög mörgu sem trúaðir kalla kraftaverk...

[Halldóra Lára Ásgeirsdóttir, 13.3.2012 kl. 13:35]

Doctor E ! Sagan um hann Gústa er bara krúttleg.

Ég var EKKI að fjalla um börnin sem hrinja niður úr hungri

bara að fjalla um mann sem treysti Guði sínum,næstum því á

stórfurðulegan hátt.

Að kraftaverk sé bara nafn yfir eitthvað sem jafnvel eðlilegar útskyringar

séu til við,er að einhæfa.Í mínu tilfelli er það hreint og klárt kraftaverk!

Kraftaverk sem collegar þínir í "læknastétt" skilja ekki.

En ég hef lúmskt gaman að þér!!