Sporin í sandinum.

Góðan dag gott fólk!

MIG DREYMDI MIKINN .Mig dreymdi mikinn draum:Ég stóð

með Drottni háum tindi á

og horfði yfir lífs míns leið

hann lét mig hvert mitt fótspor sjá.

 

Þau blöstu við þá brosti hann

" Mitt barn" hann mælti,sérðu þar

ég gekk með þér og gætti þín

í gleði og sorg ég hjá þér var"

 

Þá sá ég fótspor frelsarans

svo fast við mín á langri braut.

Nú gat ég séð hvað var mín vörn

í voða,freistni, raun og þraut.

 

En annað sá ég síðan brátt:

Á sumum stöðum blasti við,

að sporin voru aðeins ein,

-Gekk enginn þá við mína hlið?

 

Hann las minn hug . Hann leit til mín

og lét mig horfa í augu sér:

Þá varstu sjúkur,blessað barn,

þá bar ég þig á herðum mér"

 

         Sigurbjörn Einarsson biskup

Athugasemdir

[Þórarinn Þ Gíslason (IP-tala skráð) 25.11.2008 kl. 14:12]

Sæl Halldóra mín.

Og enn einu sinni ertu komin með Hjartanærandi efni og er vel.

Kærleikskveðja og vertu Guði falin.

[Halldóra Lára Ásgeirsdóttir, 25.11.2008 kl. 14:19]

Hjartans þakkir kæri Þórarinn!

Var ekki staðin upp frá þessari færslu þegar þetta fallega komment kom!

Takk minn kæri og Guð blessi þig!

[Helena Leifsdóttir, 25.11.2008 kl. 15:36]

Sæl aftur.
Yndislegur texti hjá Sigurbirni.
Var ekki búið að semja lag við þennan texta Sporin í sandinn?

[Rósa Aðalsteinsdóttir, 25.11.2008 kl. 23:28]

Sæl og blessuð

Flottur texti og vel skrifaður. Kannast við hann.

Vertu Guði falin

Kær kveðja/Rósa 

[Rósa Aðalsteinsdóttir, 25.11.2008 kl. 23:32]

Spor í sandi

 

Nótt eina dreymdi hann drauminn.

hann dreymd‘i að hann gengi á strönd.

Hann dreymd‘i að hann gengi með Guði.

Þeir gengu þar hönd í hönd.

 

Hann leit um öxl og líf sitt

gat lesið af sporum þeim,

sem geymd vor‘u og greypt í sandinn.

og gengin af báðum tveim.

 

Hann sá þau samhliða liggja

og sólin í heiði skein.

Þá sá hann á spotta og spotta

að sporin voru ein.

 

Það vakt‘i honum vafa og furðu,

það virtist oft gerast þar,

sem sorti á líf hans sótti

og sorgir að höndum bar.

 

Hann leit aftur líf sitt yfir.

og litla stund hann beið,

en eftir það yrti á Drottin

eitthvað á þessa leið:

 

„Þú hafðir mér heitið forðum,

ef hlýða ég vildi þér,

og þér myndi þjóna og treysta,

að þú skyldir fylgja mér.

 

En hví sé ég spor þín hvergi.

þá harmi sleginn var?"

Drottinn brosti og bragði:

„Barnið mitt ég var þar.

 

Þar sem í fjörunni finnst þér

fótsporin vera tvenn,

við hönd mér þig löngum leiddi,

líkt og ég geri enn.

 

Þar för eftir eina fætur

fjaran einungis ber.

það var á þrautastundum.

þegar ég hélt á þér:"

[Halldóra Lára Ásgeirsdóttir, 25.11.2008 kl. 23:47]

Sæl Helena mín!

Söng við þennann texta kann ég ekki,en það má vel vera að hann sé  til.

Rósa mín! Velkomin aftur! Hafði þig í bænum mínum meðan á ferðalaginu stóð.

Þessi  texti sem ég er með  er klárlega eftir dr. Sigurbjörn.Veit ekki um höfundinn 

á þínum sálmi. Guði faldar vinkonur mínar til sjávar og sveita!  Halldóra.