Laugardagurinn 6. des.

Komið þið sæl!

Í dag mætti ég á bænastund í séra Friðriks kapellu kl.12 þar var kominn hópur fólks að biðja fyrir Íslensku þjóðinni. Þar fékk ég að heyra af bænagöngu sem verður 6 des kl. 14 frá Hallgrímskirkju og  hún mun fara á Austurvöll og biðja áður en hin gangan kemur kl.15. Herbert Guðmundsson mun  syngja bænagöngulag í tilefni dagsins,síðan verður ávarp og loks beðið fyrir þjóðinni.

Við erum friðflytjendur og fólk er beðið að koma með vasaljós og íslenska fánann.

Endilega þið sem getið farið takið daginn frá!

Gangan ber yfirskriftina Ljós í myrkri!

 Drottinn gefi ykkur góðann og yndislegan dag.

   Góðar stundir.

                                           Halldóra.

Athugasemdir

[Helena Leifsdóttir, 26.11.2008 kl. 17:57]

Sæl Dóra mín.
Takk fyrir síðast,  í Friðrikskapellu er gott að koma saman og biðja með kirkjunnarfólki fyrir landinu okkar. Hugsaðu þér hversu öflugt það yrði ef allar þær þúsundir sem koma saman á Austurvelli myndu biðja Guð um lausnir og svör inní efnahagserfiðleika þjóðarinnar, syngja saman Drottinn er minn hirðir og fela Guði allar áhyggjurnar. Þá mundi allt breytast í stað reiði kæmi gleði og hamingja.

Mig hlakkar til að taka þátt í bænagöngunni 6. des

Guð blessi þig Guðskona á blogginu
Helena

[Linda, 26.11.2008 kl. 21:57]

sama hér mig hlakkar líka til.  Ef Guð leyfir.

En ég er að heyra mismunandi tíma t.d að kl 12 frá Hallgrímskirkju??  Vonandi fara auglýsingar að koma í fjölmiðla og á netið svo þetta komist allt á hreint.

bk.

Linda.

[Kristín Ketilsdóttir, 26.11.2008 kl. 23:10]

Takk fyrir að minna á gönguna

kv.KK

[Helena Leifsdóttir, 26.11.2008 kl. 23:26]

Stelpur mínar.
Bænagangan verður laugardaginn 6.des kl.12.00
Gengið frá Hallgrímskirkju,Skólavörðustíg,Lækjartorg inná Austurvöll.
Herbert Guðmundsson syngur bænagöngulag í tilefni dagsins.

Ávarp á Austurvelli og beðið fyrir þjóðinni

Hvetjum alla til að mæta með vasaljós og Íslenska fánann.

Bænagangan 2008 - Ljós í myrkri

[Halldóra Lára Ásgeirsdóttir, 26.11.2008 kl. 23:51]

Sælar allar!

Hef ekki verið heima í dag til að svara og því þakka ég Helenu vinkonu minni innilega fyrir að taka það að sér.

Sé að ég hef sett inn kl 14 í færslunni,en það er ekki rétt. Banagangan verður kl.12 samkvæmt dreyfibréfi sem ég hef undir höndum.

          Verið Guði faldar kæru Guðs konur!

                                         Halldóra.

[Rósa Aðalsteinsdóttir, 27.11.2008 kl. 14:44]

Sæl og blessuð Frú Halldóra

Ég mun ekki verða með en ég vonandi fæ mér göngutúr eins og í fyrra á sama tíma. ég var með ykkur í anda. hlustaði á Lindina og bað fyrir þeim bænarefnum sem þið báðuð fyrir og einnig fyrir Vopnafirði og íbúum Vopnafjarðar. Ég sendi líka tölvupóst til Elínar Hirst og kvartaði undan fréttaflutningi sem var enginn frá Bænagöngunni en smá frá Laugardagshöllinni. Mun nöldra aftur ef með þarf.

Þakka allar bænir, ekki veitir af nú í vonda veðrinu hér á hjara veraldar.

Vertu Guði falin

Kær kveðja/Rósa