Sunnudags hugvekja

Kæru vinir!

Ég hef verið að hugleiða orð Guðs í morgun. Og það er nú þannig með þetta blessað orð Guðs að það er eins og olía á hjól. Ég verð alltaf svo uppörfuð að lesa þetta  góða orð Biblíunnar. Þegar maður skoðar hvernig persóna Páll postuli var,þá kemur í ljós að hann ber svo mikla umhyggju fyrir hinum trúuðu, og hann sendir söfnuðunum uppörfunarbréf, til þess að kvetja þá og til þess að áminna þá um að halda sér við Drottinn Guð.Þetta finnst mér alveg frábært.Við eigum auðvitað að láta okkur þykja vænt um hvert annað. Það er meira að segja Biblíulegt,en í Galatabréfinu stendur að við eigum að gera öllum mönnum gott,einkum hinum trúuðu.Þannig hefur Páll eflaust hugsað. Og mig langar til að gera orð Páls postula að mínum: En hvað sem öðru líður þá hegðið yður eins og samboðið er fagnaðarerindinu um Krist.Hvort sem ég kem og heimsæki yður  eða er fjærverandi, vil ég fá að heyra  um yður að þér standið stöðugir í einum anda og berjist saman með einni sál  fyrir trúnni á fagnaðarerindið og látið í engu skelfast  af mótstöðu mönnum.

Það er mikið gleðiefni ef hinir kristnu geta staðið saman í einum anda. Það er Biblíulegt og til eftirbreytni. Stundum er það þannig að kristnir geta ekki staðið saman í  þjónustunni og í samfélaginu. Þá kemur fyrripartur þessa orðs svo vel inn í kringumstæðurnar: Ég vil að þér standið stöðugir í einum anda og berjist saman  með einni sál fyrir trúnni  á fagnaðarerindið, og látið í engu skelfast fyrir mótstöðumönnum.Versti mótstöðu aðilinn er hinn illi. En ef við erum í Kristi,þá eigum við að vera svo sterk í Guði að við hræðumst ekki þann óvin.En eitt er nauðsynlegt, og það er að biðja fyrir hvert öðru og vera til blessunar.Verum meðvituð sem lærisveinar Krists að okkur er ætlað að blessa aðra og koma með gleði og frið frá himni Guðs þar sem við erum.

                 Drottinn blessi þig og þitt fólk í dag.

                                       Kveðja úr Garðabæ

                                                    Halldóra.

Athugasemdir

[Ragnar Kristján Gestsson, 6.7.2009 kl. 08:55]

Gott að heyra þessi orð.  Kristur tekur m.a.s. dýpra í árinni þegar hann segist gefa okkur nýtt boðorð: að þér elskið hver annan. Eins og ég hef elskað yður, skuluð þér einnig elska hver annan. Á því munu allir þekkja, að þér eruð mínir lærisveinar, ef þér berið elsku hver til annars. (Jóh 13.34-5)  Og þá gætum við velt því fyrir okkur hvað við séum fyrst við berum ekki elsku hver til annars.  En við skulum vera stöðug og í einum anda. 

Gakktu á Guðs vegum og megi Hann blessa þig í öllu sem þú tekur þér fyrir hendur

[Halldóra Lára Ásgeirsdóttir, 6.7.2009 kl. 12:04]

Takk fyrir kommentið Ragnar!

Þú manst örugglega eftir brandaranum um himnaríki. Hvítasunnumenn í einum sal, katólikkar í öðrum,þjóðkirkjufólk í enn öðrum. Af hverju? Þeir höfðu ekki getað starfað saman á akri Krist.  Orðið sem þú kemur með  úr Jóh. 13. sttendur en fyrir sínu.

        Vertu Guði falinn.

Ásgeir! Þér verður fagnað með nybökuðu brauði!  Knús!

[Rósa Aðalsteinsdóttir, 6.7.2009 kl. 23:55]

Sæl Halldóra mín.

Kærar þakkir fyrir sunnudagspistilinn sem var lesin á mánudagskvöldi. Linda Einars heimsótti mig í dag ásamt móður sinni, bróður og mákonu. Bróðir hennar og mákona búa á Reyðarfirði. Þau eru farin aftur og ætla að sjá Hádegisfjall á morgunn. Ása Gréta er þar líka. Dóttir hennar býr þar, þrjú systkini hennar búa á Neskaupsstað en þaðan var afi hennar sem var mágur pabba.

Guð blessi þig

Kær kveðja/Rósa

[Halldóra Lára Ásgeirsdóttir, 11.7.2009 kl. 23:37]

Sæl Rósa!

Flottar tengingar við Reyðarfjörð!

En þetta er sennilega bara hægt á Íslandi!