Dreymdi lausn í Icesave málinu.

21.2.2010 | 14:55

Dreymdi lausn í Icesave málinu.

Komið þið sæl!

Mig dreymdi merkilegan draum í nótt. Þessi fjallaði um málefni þjóðarinnar.Mér fannst ég verða vitni að fundi í forsætisráðuneytinu með ráðherrum já allra ríkisstjórninni , og þar voru menn algjörlega ráðalausir gagnvart þessu stóra máli Icesave, og það var þungt yfir fólki,því ráðaleysið var svo mikið.Þá fannst mér Steingrímur segja,þá er bara eitt eftir í stöðunni, og það er að við spennum öll greipar og biðjum Guð um hjálp.Á þessum tímapunkti fannst mér eins og hann og Jóhanna hefðu verið búin að ákveða þetta sem síðasta neyðarúrræðið.Á meðan þau báðu, kom einhver með umslag til mín, og ég opna það og í því stendur að hjálp muni berast frá ákveðnu landi( sem ég vil ekki nefna) og að það muni verða mikil og góð lausn fyrir Íslensku þjóðina.Þetta sé eitthvað sem enginn hafi reiknað með að gæti gerst. Ég lokaði umslaginu og hugsaði yndislegt,við erum í Guðs höndum.Þar endaði þessi draumur.

Það er málið gott fólk að leggja þessi flóknu mál fram fyrir Guð.

Guð blessi ykkur daginn!

Halldóra.

Flokkur: Bloggar | Facebook

Athugasemdir

Þeir eru ólíkir draumarnir. Mig dreymdi hins vegar jarðskjálfta og hrunin hús á Íslandi. Mikið var ég fegin þegar ég vaknaði.

En velti fyrir mér að rétt væri að fara að snúa sér að raunveruleikanum í þessu landi, sem er eiðilögð heimili og eymd? M.b.kv. Anna

Anna Sigríður Guðmundsdóttir, 21.2.2010 kl. 15:29

Sæl og blessuð

Ég vona til Guðs að lausnin sé í nánd. Mikið er þetta leiðinlegt og lýjandi. Á sama tíma líður fólk vegna þess að þau eru að missa heimilin sín og allt sitt.

Megi almáttugur Guð miskunna okkur.

Vertu Guði falin kæra konungsdóttir.

Kær kveðja/Rósa Konungsdóttir.

Rósa Aðalsteinsdóttir, 21.2.2010 kl. 23:13