Brauð uppskrift.

Komið þið blessuð og sæl!

Ég hef annað slagið sett hér inn brauð uppskriftir. Síðast þegar ég setti inn brauð uppskrift,kallaði  hann Óli frændi mig "konuna sem bakar brauð" og núna ætla ég að koma með góða uppskrift af brauði. Og ég veit að hann Óli frændi á eftir að prófa  þessa uppskrift.En Óli má alveg láta mig vita hvernig þessi smakkast þegar hann er búinn að prófa  brauðið,því ég tyndi netfanginu hans.

Heilhveiti  sóda brauð:

260 gr. heilhveiti

260 gr. hveiti

20 gr. hveitiklíð( smá slatti)

30 gr. haframjöl (ca 1 bolli)

3 tesk lyftiduft

40 gr. sykur (ca 2 matsk )

1 tesk salt

21/2 des súrmjólk

2 1/2 des mjólk.

Blandið öllu saman í skál hrærið vel með trésleif.Degið er mátulega þykkt þegar sleifin getur staðið upprétt í því.Setjið deigið í brauðform og bakið við 180 gráður í ca 50 mín.

Gangi ykkur vel og njótið þess að borða volgt brauð með smjöri og osti , og gott kaffi  með.

           Að baka brauð handa sér og sínum veitir mikla ánægju!

                       Guð veri með ykkur!

                                    Kveðja úr eldhúsinu í Garðabæ

                                                    Halldóra.