Það þarf að bryna kirkjuna

Góðan dag!

Við vitum öll,sem lesum Guðs orð að Drottinn Guð þolir ekki synd,en þrátt fyrir hhjálpræðið sem Guð gerði með krossdauða Jesú heldur syndin áfram.Það er vegna þess að óvinurinn satan æðir um eins og öskrandi ljónleitandi að þeim sem hann getur fellt.Og víst er það að margir hafa fallið til fóta þeim óvin.

Og syndin er lævís og lipur og treður sér inn í kirkjurnar, og það þekkjum við að hinum illa er ekkert heilagt.En Drottinn þolir ekki mengaða kirkju,hún á að vera sem brúður hrein og flekklaus.Mitt í þessum ömurlegu aðstæðum sem kirkjan er að kljást við um þessar mundir er kanski gott að þetta kom upp,þessi mál sem og mörg önnur þurfa að vera á hreinu.En ég þoli það ekki þegar fólk er með skítkast hvert á annað, og alls ekki í hinum kristna heimi.Ég fæ illt í hjartað þegar kristið fólk talat illa um hvert annað.Slíkt á aldrei rétt á sér.Mér finnst ég skilja afstöðu séra Geirs,hann vill vera trúr sínu embætti, og mér finnst við verða að skilja að hann vill vera trúr þeirri köllun sem hann var kallaður til.Hins vegar er bara gott að hann og fleiri góðir guðsmenn fá það á hreint núna að það eru mörk.

Ég er á því að  það  hafi verið gott að fá þetta upp núna til þess að brýna okkur öll sem störfum í guðs ríkinu að við verðum sjálf að helgast meir og meir, og að Drottinn vill hreina ómengaða  kirkju,þar sem hann fyrir heilagan anda getur útellt yfir okkur sinni blessun.  Ég gæti notað Biblíuvers til að vitna í varðandi þetta,en ég vil bara koma einföldum skilaboðum til okkar sem störfum í ríki hans,við eigum að vera góð fyrirmyn í orði, í verkum og hegðun.

Kærleikurinn fellur adrei úr gildi!

                                            Guð blessi ykkur öll !

                                                            Halldóra.

„Nú þarf Geir Waage að hætta“

Athugasemdir

[Merkúr (IP-tala skráð) 22.8.2010 kl. 14:27]

Þagnarskylda er kannski ekki eins einföld og hún sýnist. Hvenær er hún í gildi t.d. bara þegar prestur er að sinna vinnu sinni eða alltaf? Hver er tilbúinn að segja að þagnarskylda presta nái yfir allt annað en misþyrmingar á börnum? Hvað með aðra, t.d. gamalt fólk, ósjálfbjarga, fatlað, hvað með heimilisofbeldi á konum nú eða körlum? Hvað með eiturlyfjasölu og ölvunarakstur? Hvað með aðra en presta, t.d. sálfræðinga, geðlækna og hjúkrunarfólk, á það líka að tilkynna sum lögbrot eða kannski öll. Við verðum líka að átta okkur á því að ef engin er þagnarskyldan þá leitar enginn sér hjálpar af ótta við að allur heimurinn snúist gegn sér. Ekki veit ég til þess að nein þagnarskylda ríki hjá almenningi um fíkniefnasölu og ölvunnarakstur, samt þegir fólk yfir svona glæpum, sem valda miklum skaða í okkar samfélagi.