Pistillinn minn í dag.

Komið þið sæl!

Hef verið að lesa í  Jakobsbréfinu, ohér eru mögnuð orð í 5 kaflanum:

Hlustið á þér auðmenn,grátið og kveinið yfir þeim bágindum sem yfir yður mun koma.

Auður yðar er orðinn fúinn og klæði yðar eru möletin,gull yðar og silfur er orðið ryðbrunnið

og ryðið á því mun verða yður til vitnis og eta hold yðar eins og eldur.Þér hafið fjársjóðum safnað á síðustu dögum.Launin hrópa, þau sem þér hafið haft af verkamönnum,sem slógu lönd yðar, og

köll kornskurðarmannanna eru komin til eyrna Drottins hersveitanna.Þér hafið lifað í sællífi  á jörðinni og í óhófi .Þér hafið alið hjörtu yðar á slátrunardegi.Þér hafið sakfellt og drepið hinn réttláta.Hann veitir yður ekki viðnám.

Það þarf nú ekkert sérstaklega að útskyra þessi alvarlegu orð heilagrar ritningar,en það hefði verið betra  að þeir sem fyrir öllum vandræðum þjóðarinnar stóðu hefðu farið eftir Guðs orði.

Látum þessi alvarlegu orð tala til okkar og verum vís í okkar eigin ákvörðunum,því að áhyggjur fara illa með okkur.Læt þetta nægja að sinni.

                                  Guð veri með okkur öllum!

                                        Kveðjur úr Garðabæ

                                         Halldóra.

Athugasemdir

[Rósa Aðalsteinsdóttir, 4.10.2010 kl. 01:00]

Sæl og blessuð

Hörku pistill.

"Safnið yður ekki fjársjóðum á jörðu, þar sem mölur og ryð eyðir og þjófar brjótast inn og stela.

Safnið yður heldur fjársjóðum á himni, þar sem hvorki eyðir mölur né ryð og þjófar brjótast ekki inn og stela." Matt. 6: 19.-20.

Guð veri með þér.

Shalom/Rósa

[Halldóra Lára Ásgeirsdóttir, 4.10.2010 kl. 22:29]

Takk Rósa mín! Þú ert vel að þér í bókinni góðu

   Drottinn geymi þig!

              Kveðja

                      Halldóra.