Bannað að fara með Faðirvorið á aðventu

Góðan dag!
Já sannarlega Góðan dag!
Þessi frétt er ekki góð frétt,því það gerir okkur bara gott að fara með þessa bæn.Hvað er eiginlega að í þjóðar sálinni? Og ef einhverjum finnst að það sé meiri þörf á að sinna einhverju öðru en að biðja þessarar bænar,þá er það hreint út sagt alger vitleysa.Maður eða kona sem fer með þessa bæn og leggur sín mál fram fyrir Guð á meiri frið í hjarta en hinn sem ekki biður til Guðs.
Segi nú bara ,Guð hjálpi okkur!!

Í friði og kærleika Krists

Halldóra.

Bannað að fara með faðirvorið á aðventu

Athugasemdir

[DoctorE (IP-tala skráð) 29.11.2011 kl. 13:02]

Krissar að reyna að skekkja myndina.. það eru nefnilega ekki nein mannréttindi í kristni, menn verða að kjósa Jesú eða vera pyntaðir.

[Óli Jón, 29.11.2011 kl. 13:22]

Halldóra, það segir hvergi að alfarið sé bannað að fara með Faðirvorið á aðventu. Hins vegar er réttur barna til trúfrelsis á skólatíma virtur með þessu móti. Hver sem er getur farið með Faðirvorið eins og hann lystir við nær öll tilefni, bara ekki þessu.

Við skulum búa til stuttan lista yfir nokkra staði og tilefni þar sem má fara með Faðirvorið:

• á heimilum
• í kirkjum þegar börn eru þar á eigin vegum
• úti á götu
• í bílnum hjá pabba og mömmu
• á leikvellinum
• í skíðabrekkunni
• hjá afa og ömmu
• í stigaganginum heima
• á skólalóðinni eftir skólalok
• við rúmgaflinn rétt fyrir svefninn

Þú sérð vonandi að þarna eru fjölmargir staðir þar sem fara má með Faðirvorið. Vonandi léttir þetta eitthvað lund þína og mildar skelfilegan ótta þinn um guðlaus grunnskólabörn.

[Dagbjartur G. Lúðvíksson (IP-tala skráð) 29.11.2011 kl. 13:41]

Ég er mjög fylgjandi því að börn í leik- og grunnskólum borgarinnar verði leidd í Valhöll og látin þylja stefnuskrá Sjálfstæðisflokksins. Ég hef fulla trú á að það myndi gera landinu okkar gott að ala kynslóð af efnahagsþenkjandi íhaldsmönnum sem halda sjálfstæði lands og þjóðar á lofti. Þrátt fyrir það geri ég mér jafnframt grein fyrir því að með þessu væri ég að taka framfyrir hendurnar á þeim foreldrum sem eru mér ósammála. Ég væri að brjóta réttindi þeirra foreldra sem kjósa að ala börnin sín upp við sósíalískar hugsjónir eða þeirra sem halda börnunum alfarið fyrir utan pólitík. Í þessu sambandi breytir engu þótt Sjálfstæðisflokkurinn sé lang stærsta stjórnmálaafl Íslands. Að við séum sjálfstæð þjóð sem byggi á sjálfstæðum gildum. Skrambinn sjálfur, við vorum meira að segja sjálfstæð áður en landið var kristnað. Við megum ekki brjóta á þeim sem eru okkur ósammála, þó við séum fleiri.

[Dagbjartur G. Lúðvíksson (IP-tala skráð) 29.11.2011 kl. 13:42]

Ennfremur kvað Jesú að við skildum gjalda keisaranum það sem keisarans er og Guði það sem Guðs er. Að því sögðu lýsi ég undran á afstöðu kristinna Íslendinga, sem margir vilja halda ríkisvaldinu og kikjunni í einni sæng.

[Tryggvi (IP-tala skráð) 29.11.2011 kl. 15:10]

Þetta er samt mjög villandi fyrirsögn þar sem það er ekki BANNAÐ að fara með faðirvorið, skólinn ætlar eingöngu að sleppa því að láta allan skólann fara með faðir vori í kór, þar sem það eru ekki allir í skólanum sömu trúar, þessvegna er þetta fullkomlega eðlilegt, það á ekki að neyða barn til að fara með trúarbæn um trú sem þeir eru ekki fylgjandi, eða þá líða eins og það sé öðruvísi eða utanvellta því það getur ekki farið með faðirvorið.

Hinsvegar er öllum frjálst að fara með faðirvorið í þessari ferð og geta krakkarnir gert það á sínum eigin forsendum en ekki á forsendum skólans.

[Halldóra Lára Ásgeirsdóttir, 29.11.2011 kl. 23:25]

Sælt veri fólkið!

Hef ekki haft tækifæri til að skoða bloggið fyrr á þessum Drottins degi. En svar mitt til Óla Jóns er að ég veit það mæta vel að það er í lagi að biðja Faðir vorið á öllum þessum stöðum sem þú nefnir og fleiri stöðum þessvegna.En kirkjan í kristnu landi,ætti að vera fyrst í þessari talningu þinni.Því kirkjan er vígt Guðs hús og þar eiga að vera bænir og lofgjörð til Guð,í hverri helgistund.Svo er þessi bæn ekki samin af einhverjum sem datt í hug að búa til þessa bæn.Þetta er bæn sem Jesús kenndi lærisveinum sínum.Og ef við skoðum þessa bæn vel þá eru allar þarfir okkar nefndar í henni.Ég ætla svo sem ekkert að rök ræða þessa frábæru bæn,en vil benda á eitt í viðbót.Eitt það besta veganesti sem barn getur fengið út í lífið er að kunna þessa bæn og þekkja Guð skapara himins og jarðar.

Takk fyrir lesturinn. Guð veri með okkur öllum.

Halldóra.

[Stefán sv (IP-tala skráð) 1.12.2011 kl. 22:28]

Trúir þú því virkilega að guð svari þegar þú biður til hans?

[Halldóra Lára Ásgeirsdóttir, 6.12.2011 kl. 21:30]

Svar til Stefáns.Ég trúi að Guð svari bænum, og hef upplifað það í mínu persónulega lífi.

Virðingarfyllst

Halldóra.