Jón Ásgeir og Baugur

Sæl öll!

Ef ég hef nokkurntíma séð og heyrt um sorgleg mál, sem hafa verið í þjóðfélagsumræðunni,þá er það þetta svokallaða Baugs mál.Það þarf ekkert að fjölyrða um þetta allt, sem á undan er gengið. en hjarta mitt hefur verið hjá þessu fólki sem í hlut á og hafa verið órétti beitt,þeim Jóni Ásgeiri og fjölskyldu hans.Fyrir mína parta hef ég haft þau á mínum bænalista í þessum hremmimgum, og beðið Drottinn Guð að vera þeim styrkur og stoð í þessum átökum.Og ef vera skildi að þau lesi þessi orð sendi ég þeim mínar allra hlyjustu kveðjur.Mér finnst ég vera þeim feðgum  Jóni Ásgeiri og Jóhannesi

í Bónus virkilega þakklát fyrir að opna Bónus verslanirnar,þær hafa komið mér vel! Og ég blessa þetta fólk sem að þessum verslunum standa, og ekki veitir af.

Jón Ásgeir  hyggst flytja úr landi einhver af íslensku félögunum sínum. Sjáið nú til, honum er ekki vært hér  á sínu eigin landi.Hann hefur verið fangi hér í sex ár, eins og hann segir.Og ég hef kviðið þessari stundu að nú færi hann með allt sitt.Mér finnst þetta allt  saman þvílík skömm. Og hvað getur maður sagt?  Ég sendi honum og hans yndislegu konu mínar allra bestu kveðjur og fel þau Guði.

              Halldóra Ásgeirsdóttir.
 

Mun flytja einhver félög Baugs til annarra landa

Athugasemdir

[Ási (IP-tala skráð) 28.6.2008 kl. 21:43]

Já aumingja kallinum lýdur orugglega ótrúlega illa í med hofudid á silkikoddaverinu thegar hann er ad reyna ad sofna í lúxussnekkjunni sinni í karabískahafinu....

[Sigurbjörn Friðriksson, 28.6.2008 kl. 22:11]

Ási.  Passaðu öfundina.

Neikvæðni og illgirni getur af sér illgirni og neikvæðni.  Ekki setja eitur í stað áburðar í höfuð þitt fyrir vöxt fallegra uppbyggjandi ávaxta/hugsana.

Kær kveðja,

Björn bóndi.

[Predikarinn - Cacoethes scribendi , 28.6.2008 kl. 22:19]

Kæra Halldóra.  "Gjaldið keisaranum það sem keisarans er og Guði það sem Guðs er" mælti Frelsarinn og eftir Honum haft í þremur af guðspjöllunum. Þessir menn voru sekir fundnir af héraðsdómi sem og Hæstarétti og verða eins og við hin að taka afleiðingum þess.

Hvet samt til þess að þú biðjir áfram fyrir þeim og fyrir því að þeir sjái villur vega sinna og taki að breyta í takt við boðskap Frelsarans. Hefðu þeir gert svo frá upphafi hefði aldrei komið til þessara dómsmála.

[Sigurbjörn Friðriksson, 28.6.2008 kl. 22:40]

Ég held að ef Prédikarinn hefði ritað skáldsöguna um Hróa Hött, hefði sagan endað þannig að Hrói Höttur var hengdur, Tóki Munkur brenndur á báli af kirkjunni fyrir trúvillu og Litli Jói hálshöggvinn fyrir glæpi sína.

Fógetinn í Nottingham hefði verið sleginn til riddara fyrir frækilega frammistöðu við að ná glæpamönnum og fyrir að standa sig vel í að innheimta ofurskattana af hungruðum og fátækum almúganum, helvítis lýðnum.  Síðan hefði hann fengið Marionne yngismær fyrir konu á móti hennar vilja, því hún stóð með glæpamönnunum.

- - - - -

Sjálfur geri ég flest mín innkaup í Bónusi í Holtagörðum, og það sem ekki fæst þar, fæ ég há Hagkaupum við hliðina.  Þarf ekki einu sinni að aka bíl á milli.

Kær kveðja,

Björn bóndi.

[Halldóra Ágeirsdóttir (IP-tala skráð) 28.6.2008 kl. 23:06]

Ási, Sigurbjörn og Predikari!

Takk fyrir að velta vöngum hér á mínu bloggi.

Það þarf ekker að fjölyrða um þetta Baugsmál, við vitum öll allt um það.

En á bak við þetta allt saman er fólk. Fólk með tilfinningar eins og við, fólk sem hefur verið rifið niður í svaðið.

Held og veit að Jón Ásgeir hefur gert meira gott en slæmt fyrir þjóðina, og á betra skilið en að flyja land.

                                                              Halldóra Ásgeirsdóttir.
 

[Predikarinn - Cacoethes scribendi , 28.6.2008 kl. 23:13]

Ekki verður til fjármagn í rekstur og kaup tveggja milljarða einkaþotunnar úr engu ......eða hvað ?  Getur verið að þeir hafi okrað á okkur lítilmagnanum ? Sjáið fróðlegan pistil Gylfa Gylfasonar á blogginu :

"11.3.2008 | 03:36

Jóhannes í Bónus er glæpamaður

Sem kaupmaður hef ég alltaf séð Jóhannes í Bónus fyrir mér sem glæpamann og lýðskrumara af verstu tegund.  Vinsældir hans eru mér ráðgáta en kaupmannsbrögðin voru einföld en áhrifarík með fulltingi fjölmiðla sem kallinn spilaði á eins og fiðlu.

Eftir að Bónusdrengirnir eignuðust Hagkaup og 10-11 þá keyrðu þeir upp álagninguna beggja megin en létu Bónus halda sama verðmun gagnvart Hagkaup.  Í skjóli þríeykisins léku þeir á máttlaus neytendasamtök sem gerðu ekkert annað en að horfa á verðmuninn á milli Hagkaups og Bónuss en gleymdu heildarmyndinni sem er sú að öllum markaðnum var lyft í álagningu.

Hagkaup hefur alltaf verið ákveðin viðmiðun fyrir aðra kaupmenn í t.d. leikföngum og fatnaði en þar er hið sama uppá teningnum eða of hátt verð á íslandi vegna markaðsstyrks Baugs.  Okurstarfsemin nær líka til smærri kaupmanna sem eðlilega fagna hærri álagningu miðað við Hagkaupsverðin.  Menn verða að gera sér grein fyrir því að smærri aðlilar miða sig alltaf við hina stóru og ef þeir hækka þá fylgir halarófan á eftir.

Þegar ég starfaði við matvæladreifingu fyrir 150 Reykvíska heildsala í gegnum norðlenska umboðsverslun þá sá maður vel hvernig álagningarlandið liggur.  Einn álagningaflokkurinn var kallaður bensínstöðvaálagning en þær lögðu feitast á, rétt eins og apótekin.  Nú er svo komið að 10-11 er með hærri álagningu en nokkuð annað verslunarfyrirtæki með matvöru og hækkunin hjá Hagkaup er augljós öllum sem við verslun starfa.  Nóatún hækkaði sig líka því þeir eru eðlilega bornir saman við Hagkaup.  Þetta er neytendablekkingin í hnotskurn.

Svo hampa þessi fyrirtæki þessum svokölluðu lágvöruverslunum sem eru í raun að keyra nokkuð nærri gömlu Hagkaupsverðunum áður en glæpamennirnir sölsuðu hina fornfrægu neytendastoð undir sig.

Siðferðisleg og samfélagsleg ábyrgð Baugs og Kaupáss er gríðarleg en því miður standa þeir ekki undir henni.  Jóhannes í Bónus er  viðskiptalegur stórglæpamaður sem hefur kostað neytendur meira en hann gaf þeim á meðan Bónus var lágvöruverslun.  Um leið er þetta maður sem hefur notað kjötfarsgróða til að vega að sitjandi ráðherra í ríkisstjórn íslands.  Ég sé Jóhannes fyrir mér sem frekar viðskiptasiðblindan frekjuhund á meðan hluti neytenda dýrkar hann vegna þess að á íslandi eru ekki starfandi alvöru neytendasamtök sem verja fólk gegn markaðsblekkingum.

Oft dettur mér í hug að Neytendasamtökunum sé á einhvern hátt mútað af Baug því þau veita Jóa hin svokölluðu neytendaverlaun fyrir að vera ódýrari á kassa 1 en kassa 2.

Eru íslenskir neytendur bara auðblekktir fávitar upp til hópa sem eiga hreinlega skilið að láta viðskiptasiðblinda auðhringi ræna sig með bros á vör því blaðið sem þeir gefa út prentar hentugan sannleika og kyndir undir sölubatteríunum eftir pöntun.

Ég hafna þessu ástandi en það er merkilegt að Davíð Oddsson sé eini stjórnmálamaðurinn sem hafi haft dug til að segja eitthvað bítandi.  Hinir þora ekki í Baug virðist vera.

Gylfi Gylfason"

[Halldóra Lára Ásgeirsdóttir, 28.6.2008 kl. 23:25]

Ási, Sigurbjörn og Predikari!

Takk fyrir að velta vöngum hér á mínu bloggi.

Það þarf ekker að fjölyrða um þetta Baugsmál, við vitum öll allt um það.

En á bak við þetta allt saman er fólk. Fólk með tilfinningar eins og við, fólk sem hefur verið rifið niður í svaðið.

Held og veit að Jón Ásgeir hefur gert meira gott en slæmt fyrir þjóðina, og á betra skilið en að flyja land.

                                                              Halldóra Ásgeirsdóttir.
 

[Ómar Bjarki Kristjánsson, 28.6.2008 kl. 23:35]

Í ljósi þess að endlok málsins var bókhaldsbrot,(og aðrir úr fjölskyldunni sýknaðir)  sem sagt núll og nix miðað við sem upp var lagt, þá er auðvitað gífurlegt álag að vera haldið í slíkri prísund og sitja undir þvílíkum ákærum um hitt og þetta í fjölda ára sem rennt er fram og til baka í gegnum hina og þessa dómstóla aftur og aftur o.s.frv.   Í rauninni er alveg hægt að tala um refsingu sem gefin er fyrirfram.  Fyrir sök sem engin var.

Það er alveg ljóst að af einhverjum ástæðum fór ákæruvaldið offari.

Spurning með skaðabótamál gegn ríkinu, sem Jón íhugar skiljanlega.  Spurning hvernig íslensk lög taka á slíku.  Einnig verður mjög fróðlegt að sjá hvort Evrópudómstóllinn tekur málið upp.

En málið er auðvitað skandall og stinkar langar leiðir. 

[Predikarinn - Cacoethes scribendi , 28.6.2008 kl. 23:44]

Ómar : Þessir menn voru dæmdir sekir um lögbrot og virtist sem héraðsdómur þyrði ekki að taka á 36 af ákærunum sem voru vel rannsakaðar og 2-3 óháðir mismunandi aðilar, sérfróðir á hverju sviði, sammála um sekt í hverjum ákærulið. Vísað var frá dómi vegna orðalags í ákærunum ekki vegna þess að þær ættu ekki við rök að styðjast. Ég myndi nú segja að þeir ættu að prísa sig sæla að þeir sluppu við þessar frávísuðu ákærur, en gleymið ekki því að Hæstiréttur sagði JÁJ  sekan um ólögmæta sjálftöku á fjármunum upp á hundruðir milljóna króna frá meðeigendum sínum í almenningshlutafélaginu, en ekki hægt að sakfella vegna fyrningar.

[Halldóra Lára Ásgeirsdóttir, 28.6.2008 kl. 23:44]

Sæll vertu Ómar Bjarki!

Takk fyrir að koma inn í þessa umræðu.

Ég bið Predikarann endilega að koma ekki með efni frá fólki sem hefur lokað sínu bloggi,það er bara  kurteisi.

                                                       Halldóra.
 

[Búbbi (IP-tala skráð) 28.6.2008 kl. 23:56]

Biðjið fyrir hverjum sem ykkur hentar. En verzlið í Krónunni, hún er bara ódýrari þegar upp er staðið...! Hverjum er svosum ekki hundssama þótt einhverjir jólasveinar vilji yfirgefa skerið? Þeirra vandamál, ekki okkar...

[Sigurbjörn Friðriksson, 29.6.2008 kl. 00:31]

"Vei yður hræsnarar, farísear og tollheimtumenn!"

Hvað segir í guðspjöllunum um sjálfsréttlætinguna, öfundina, sjálfumgleðina.   Tollheimtumaðurinn sagði: "Guð, ég þakka þér fyrir að ég skuli ekki vera eins og aðrir menn!!"

Hvernig getur verslun á borð við Bónus og Hagkaup staðið undir að greiða fyrir tveggja milljarða einkþotu?  Eru það ekki heldur þessi og öll hin fyrirtækin í heildina, Baugur Group sem er með (3x) þrefalda veltu íslenska ríkisins sem fjármagna einkaþotuna?  Þeir eru með obbann af sinni starfsemi erlendis og þaðan kemur gróðinn, sem Predikarinn og Gylfi Gylfason fóstbróðir hans öfundast svona heiftúðlega útí.

Hvernig er að fela sig bak við níð Gylfa Gylfasonar sem var neyddur til að loka bloggsíðu sinni vegna þessarra skrifa og annarra?  Hversvegna gerir "Predikarinn" ekki orð Gylfa Gylfasonar í gylfablogg.blog.is ekki að sínum, ef hann telur Gylfa hafa svona kórrétt fyrir sér og stendur við þau stóru orð sjálfur?? 

Hversvegna þennan heigulshátt?  Hversvegna þessar aðdróttanir?  Til hvers eru dómstólar í landinu?  Það voru ekki aðeins dómstólarnir, Héraðsdómur og Hæstiréttur, heldur Ríkissaksóknari, Ríkisskattstjóri, Skattrannsóknarstjóri, Ríkislögreglustjóri, Morgunblaðið og topparnir í ríkisstjórn Íslands sem sóttu á Baugsmenn, með hann Lygamörð Jón Gerald Sullenberger í eftirdragi.

Ef meirihluti Íslendinga, 18 ára og eldri yrðu teknir svona tökum; 6 ára rannsókn af Skatta- og Ríkislögreglunni, þó menn hafi ekki gert meir en að kaupa notaðan bíl og gleymt að greiða tryggingariðgjöldin og bílagjöldin til ríkisins o.s.frv., það myndu fáir sleppa með hreinan skjöld.  Og síst Predikarin og Gylfi Gylfason sem: "Þakka guði fyrir að vera ekki eins og aðrir menn."

Halldóra Ásgeirsdóttir.  þú átt heiður skilið að hafa komið þessari umræðu af stað, og sýna alþjóð að það er í lagi og sýna umburðarlyndi í garð þeirra sem geta verið breyskir, en eru batnandi menn sem hafa gert mikið meira gott en nokkuð illt.

Kær kveðja,

Björn bóndi.

[Sigurbjörn Friðriksson, 29.6.2008 kl. 00:39]

Hver uppnefndi Lygamörðinn hann Jón Gerald Sullenberger ljóta nafninu:"Júdas Ískaríot?".

Varst það nokkuð þú? Predikarinn sjálfur?

(Er ekki vont að láta júga uppá sig ha? Predikari?) he he he he he. Reyndu nú að sofa vel.

Björn bóndi.

[Blahh (IP-tala skráð) 30.6.2008 kl. 10:49]

Ég skil predikarann vel, það er magnað hvernig fólk í þessu landi lítur þetta mál.  Helstu fréttirnar eru þær að dómurinn dæmdi Jón Ásgeir fyrir að stela peningum af því saklausa fólki sem hafði keypt hlutabréf í Baugi. Það er staðreynd!

 Hins vegar var ekki hægt að dæma hann fyrir brotið því það var fyrnt.  Það er sem sagt í lagi að stela hundruðum milljóna króna svo framarlega sem það fattast ekki fyrr en mörgum árum seinna.