Þunnt er móður eyrað.

15.2.2009 | 22:49

Komið þið sæl!

Það er vers í sálmunum sem hefur ómað í huga mínum undanfarna daga. Það er sálmur 25:10

Allir vegir Drottins eru elska og trúfest fyrir þá sem gæta sáttmála hans og vitnisburða.

Það er skrítið að allir vegir Drottins séu elska og trúfesti, samt göngum við í gegnum allt mögulegt.

Kæru vinir! Ef ekki væri það elsku Drottins að þakka þá væri allt í klessu í lífi okkar. Ég veit að hann hefur oft tekið í taumana og reddað okkur út úr allskonar vanda. Augu okkar eru bara svo blind að við sjáum ekki í amstri dagana þessa leið Drottins. Séu hlutirnir slæmir hjá okkur væru þeir verri ef Drottinn hefði ekki auga með okkur. Alveg eins og þegar börnin okkar eru úti að leika sér þá höfum við foreldrarnir auga með þeim. Og grípum inní ef þörf gerist. Það er af elsku sem við gerum það! Þetta tímabil í lífi mínu er nú liðið,en ég á þessa minningu um að hafa verið vel á verði gagnvart mínum sonum. Og við mæður könnumst vel flestar við að hafa rumskað við minnsta hóst eða hreyfingu barna okkar á nóttinni. Sagt er að þunnt sé móður eyrað. Þannig er Drottinn Guð. Hann vakir yfir og gætir okkar af einstakri elsku sinni. Því að allir vegir Drottins eru elska og trúfesti!

Þar til næst,verið Guði falin

Halldóra.

Flokkur: Bloggar | Facebook

Athugasemdir

Christian Glitter by www.christianglitter.com

Sæl og blessuð

Flott samlíking hjá þér. Ég fékk tvær ábendingar í dag um að tíminn væri útrunninn á blogginu mínu en ég er búin að opna aftur.

"Því að augu Drottins hvarfla um alla jörðina, til þess að hann megi sýna sig máttkan þeim til hjálpar, sem eru heils hugar við hann. Þér hefir farið heimskulega í þessu, því að héðan í frá munu menn stöðugt eiga í ófriði við þig." 2. Kron. 16:9.
Vertu Guði falin

Kær kveðja/Rósa