Móðirin bjargaði barni sínu frá bruna.

Heil og sæl!

Lítil telpa virtii hendur móður sinnar fyrir sér.Hvers vegna ertu með svona ljótar hendur mamma? spurði telpan.Móðirin horfði ástúðlega á barnið sitt og svaraði:Einu sinni þegar þú varst ósköp lítil,sastu hérna við borðið og varst að leika þér.Þá veltirðu lampanum um koll.Hann datt  á gólfið og brotnaði,þá kviknaði í fötunum þínum og ég slökkti eldinn með höndunum.Þessvegna hef ég svo ljótar hendur.Þá tók telpan um hendur móður sinnar,kyssti þær aftur og aftur og tárin runnu niður kinnar hennar og  og hún sagði :Mamma það er enginn með eins fallegar hendur og þú.

Drottinn Jesús fórnaði sér fyrir alla menn með því að deyja á krossi, og hendur hans voru negldar  á krossinn.Naglafarið í lófa hans minnir hann stöðugt á hvað hann elskar okkur hvert og eitt heitt og innilega.Hver sem þú ert og hvað sem þú hefur upplifað í þessu lífi,þá máttu vera viss um að Jesús  fyrirgefur alla misgjörð þína,naglaförin í lófa hans eru tákn um það.  Á þann hátt er nafn okkar ritað í lófa hans.

              Mínar bestu kveðjur til þín, og megi Drottinn blessa þig!

                                         Kv. Halldóra.

Athugasemdir

[Rósa Aðalsteinsdóttir, 12.1.2010 kl. 22:41]

Christian Glitter by www.christianglitter.com

Sæl og blessuð

Mikið var þetta falleg frásögn.

Guð blessi þig og varðveiti.

Kær kveðja/Rósa

[Halldóra Lára Ásgeirsdóttir, 13.1.2010 kl. 00:00]

Sæl og blessuð Rósa mín!

Þú ert alltaf sama dúllan að senda mér svo fallegar myndir.

Takk !

  Kveðja frá yndislegasta staðnum á jarðríki

nefnilega Garðabæ. 

   Halldóra.

[Jón Ríkharðsson, 15.1.2010 kl. 09:30]

Sæl Halldóra Lára.

Ég er sammála Rósu, þetta var falleg saga og góð tilbreyting að lesa síður um eitthvað annað en klúður ríkisstjórnarinnar.

Við getum seint að fullu skilið kærleika Krists, að þola þjáningar og pínur til þess eins, að losa menn frá synd. Við vitum að Jesús átti í innri baráttu, því þetta var svo erfitt, innri baráttu þrátt fyrir fullkomleika sinn. En hann gafst ekki upp, svo elskar hann okkur mikið. Í breyskleika mínum get ég ekki skilið svona mikinn kærleika, en ég get tekið á móti honum og notið hans. Það geri ég í þakklæti og auðmýkt. Guð blessi þig og verndi í öllu þínu lífi, sem og þína fjölskyldu.

[Halldóra Lára Ásgeirsdóttir, 15.1.2010 kl. 16:32]

Sæll vertu Jón!

Skemtilegt að eignast nyjan bloggfélaga,þar sem það er frekar rólegt í þeim efnum,

Allir á fésinu !!

Takk fyrir þennan vitnisburð.

Guð blessi þig sí og æ.

 Kveðja úr Garðabæ