Lækur eða lækjarspræna?

16.1.2010 | 12:51

Blessuð og sæl!

Mikið þykir mér vænt um þessa kveðju,með henni get ég blessað þig!

Langar aðeins til að koma með nokkrar hugsanir um kærleikann og hvernig við komum fram við hvert annað. Í Jobsbók 6:15 stendur Bræður mínir brugðust eins og lækur,eins og farvegur lækja,sem flóa yfir,sem gruggugir eru af ís og snjórinn hverfur ofan í.Jafnskjótt og þeir bakast af sólinni,þorna þeir upp,,þegar hitnar hverfa þeir burt af stað sínum.

Það þarf engin viðbótar orð frá mér til að útskyra þetta vers,en þarna talar Job,og er greinilega niðurbeigður,því hann segir: Hrelldur maður á heimting á meðaumkun hjá vini sínum.,jafnvel þó að hann hætti að óttast hinn Almáttka. Mér finnst merkilegt að þessi maður reynslu og erfiðleika,hann Job sér að kærleikur og vinátta geta hjálpað þegar á bjátar. Enda stendur í Galatabréfinu 6, gerið öllum mönnum gott,einkum trúbræðrum ykkar. Þá er spurningin í dag er ég vinur þegar aðrir þurfa á mér að halda? Er ég nóug rík í Guði til þess að gefa af mér? Verum uppörfandi hvert við annað, og eflum hvert annað í stað þess að brjóta niður.Því sá sem er brotinn niður lætur sig hverfa jafn hljóðlega og hann kom, ef honum er þá ekki sparkað af hörku.En það á alls ekki að eiga sér stað.Aldrei! Og hvergi! Við komum í Krists stað. Og kærleikurinn breiðir yfir alla bresti. Guð gerði okkur hæf til þess að vera vinir og boðberar kærleikans,en óvinurinn kom til þess að stela slátra og eyða. Og við þurfum að vera meðvituð um það. Það verður ekki tekið mark á okkur ef við erum ekki Kristi til sóma.En allir þurfa að vita að Jesús hefur dáið fyrir syndir okkar og hann elskar alla menn.En við meigum ekki standa í vegi fyrir að boðskapurinn um kærleika Krists komist til skyla.

Ég vil bryna mig og ykkur öll til að bregðast ekki öðrum eins og lækur. Og núna þurfum við öll að standa saman og biðja um guðlega lausn inn í þjóðarmálin, og inn í alla hluti hins daglega lífs.

Guð hjálpi okkur til þess.

Kveðja úr Garðabæ

Halldóra.

Flokkur: Bloggar | Facebook