Á 140 á Reykjanesbraut

Komið þið sæl!

Mín eina hugsun að lesa svona er: Ég vildi ekki mæta bíl á þessum hraða!
Og ég er vissum að bæði ökumenn sem aka á þessum hraða og aðrir ökumenn vildu það ekki heldur.Mín ósk er að allir fari eftir reglum og aki á réttum hraða.

Það er best að mynna fólk á bílabænina:

Drottinn veit mér vernd þína
og lát mig mynnast ábyrgð minnar
er ég ek þessari bifreið.

Í Jesú nafni

Amen.

Kærleiks kveðjur

Halldóra.

Á 140 á Reykjanesbraut

Vill ekki auka framlög til Hjálpræðishersins.

komið þið sæl!

Ég er svo gáttuð á þessu orðskrípi "gildishlaðin lífsskoðunar samtök"
að mér fallast hendur.Og svo stendur í þessari frétt að:"Fulltrúi VG í velferðarráði Rvk. lýsi andstöðu að borgin væri að beina utangarðsfólki í auknu mæli í dagsetur vegna "gildishlaðinna lífsskoðunarsamtaka" Þvílíkt og annað eins.það vita nú fleiri en ég að hjálpræðisherinn byrjar ekki fyrst á að koma með trúna til þessa hóps,þau taka hins vegar á móti fólki sem til þeirra leitar og sýnir þeim sem minna mega sín kærleika og virðingu,með því að gefa þessu fólki að borða.Og þetta get ég sagt því ég hef séð það með mínum eigin augum! Og sé þetta fólk illa klætt þá er því gefið eitthvað hlýtt til að klæðast.Og ég hef horft upp á Hjálpræðishers fólk þerra tárin af augum þessa fólks þegar enginn annar gerði það.Ef þetta er ekki kærleikur í verki þá veit ég ekki hvað það er.
Og að borgin beini þessu fólki til Hjalpræðishersins og Dagseturs,er engin furða því að þar er kærleikur og hlýja númer eitt.
Sjálf hef ég stutt við þetta starf með því að gefa góðan fatnað sem getur nýst þar.Og það gera örugglega margir aðrir.Svo mér finnst bara hreint út sagt að borgin ætti að meta þetta fórnfúsa starf og styðjafjárhagslega við það.
Og að fulltrúi í Velferðarráð skuli láta sér svona nokkuð um munn fara er til háborinnar skammar (afsakið orðbragðið)
Gott fólk er ekki bara kominn tími til að láta kærleikann tala?
Hjálpræðisherinn fær allavega blessunaróskir frá mér!!

Kær kveðja

Halldóra.

Vill ekki auka framlög til Hjálpræðishersins

Falleg saga af Gústa Guðsmanni.

Komið þið sæl!
Á dögunum heyrði ég fallega sögu af Gústa Guðsmanni.Hann gerði út trillu á Siglufirði ásamt með eigandanum sjálfum Guði! Og andvirði aflans rann til kristniboðs.Þessi sögu frægi maður var trúaður.Einu sinni var hann sem oftar úti á bátnum sínum ásamt öllum hinum sem stunduðu sjóinn í ágætis veðri.En allt í einu gerði vont veður og allir bátarnir komu í land.Allir nema Gústi.Það var gerður leiðangur til að leita að Gústa.Eftir nokkra stund fannst Gústi á bátnum sínum.Það var svo einkennilegt að á þeim bletti sem hann var,var lygndur sjór og óveðrið allt í kring.Og á þessum ltla bletti var Gústi og söng hástöfum "Hærra minn Guð til þín" Mitt í stormi lífsins söng þessi gamli Guðsmaður!

Þessi frásaga minnti mig óneitanlega á Pál og Sílas Biblíunnar,sem voru fangelsaðir og stokkur settur yfir fætur þeirra svo þeir slippu ekki.Lýsingarnar á meðferð þessara manna sem höfðu ekkert gert af sér eru ekki fagrar,en í þessum erfiðu kringumstæðum sungu þeir lofsöng til Drottins Guðs.En það sem gerðist var mikið undur því hlekkirnir losnuðu af þeim og dyr fangelsisin opnuðust.

Ef við erum í erfiðum kringumstæðum ættum við að prófa þessa leið,sem bæði Gúst Guðsmaður og hetjur Biblíunnar þekktu.Og var þeim til hjálpar.

Guð blessi þig!

Halldóra Ásgeirsdóttir.

Lóan er komin að kveða burt snjóinn.

Góðan dag!
Það er fátt í fréttum þessa dagana sem er fallegt og gott,svo kemur þessi frétt á þeim tíma sem maður býst ekkert endilega við vor boðanum ljúfa!
Það þýkir jafnan frétt þegar lóan sést fyrst á vorin hér upp á landinu bláa.
Svo ég get ekki annað en sagt: Vertu velkomin heim,yfir hafið og heim!

Guð blessi land og þjóð!

Kv. Halldóra

Lóan er komin til Eyrarbakka

Mótmælir lestri passíusálmanna

Góðan dag!
Íslenskur menningar arfur,það er ágætt orð yfir þetta snilldar verk sem Passíusálmarnir eru.Og það er alveg öruggt að höfundurinn hafði gyðinga hatur ekki í huga á þeim tíma sem hann orti sálmana.Hann er fyrst og fremst að lýsa í ljóði því sem gerðist í lífi Jesú, og guðspjöllin segja frá.Að mínu viti hefur engum tekist betur en Hallgrími Péturssyni að koma betur orðum að Píslarsögu Krists. Hér er dæmi um hvernig Jesú leið: 2 sálmur vers 11

Hjartanlega varð harmþrunginn
herrann Jesú í þetta sinn.
Holdið skalf við það feikna fár,
flutu í vatni augun klár.
Sagði grátandi:Sál mín er
svo allt til dauða hrygg í mér.

Læt duga þetta eina vers,en það sem á eftir kemur er líka hreinasta snilld.Og ég trúi því að allir þeir sem elska ljóðalestur, séu mér sammála í því að Passíusálmarnir eru þjóðar verðmæti.Og ég get ekki séð það, að hlusta á lestur þessa verks einu sinni á ári í útvarpinu skaði nokkra manneskju.Og það má alls ekki taka slík verðmæti út úr dagskrá útvarpsins!
Vonandi láta útvarpsstjóri og útvarps ráð þessa stofnun í Bandaríkjunumn ekki ráða hvað er á dagskrá útvarpsins hér.

Með kveðju og blessunaróskum!

Halldóra.

Mótmælir lestri Passíusálmanna

Biblían á tunglinu.

Komið þið sæl !

"Í upphafi skapaði Guð himinn og jörð"
1. Mós.1.1

Bók Bókanna,Biblían,er sennilega útbreiddasta bók veraldarinnar.Ljóst er að hún hefur víða fariðog hana er jafnvel hægt að finna á ólíklegust stöðum.

Á jólunum 1968,er geimfarið Appollo8 var að nálgast tunglið og geimfararstjórinn var að lýsa hinni miklu víðáttu tunglyfirborðsins,þá skýrði hann sjónvarpsáhorfendum um allan heim frá því að áhöfnin í Appollo 8 hefði jólaboðskap og kveðju að flytja öllum jarðarbúum.Síðan hóf geimfararstjórinn að lesa úr Biblíunni.Hann las úr 1. Mósebók um sköpunina.Síðan rétti hann Biblíuna áfram til félaga síns,sem hélt lestrinum áfram.Því næst var þriðja geimfaranum rétt Biblían og lauk hann lestrinum.
Fréttamenn urðu furðu lostnir og einn þulur sjónvarpsstöðvar sagði:"Mennirnir hafa rétt í þessu lokið við að lesa úr Biblíunni á tunglinu og ef barnsminnið svíkur ekki,þá lásu þeir úr 1. Mósebók."
Sennilega hafa hafa aldrei áður jafn margir heyrt lesið úr Biblíunni í einu.Á þessu augnabliki var fólk í milljóna tali djúpt snortið af orðum Guðs.
Hvet ég menn nú til að taka sér Biblíu í hönd og lesa fyrsta kafla fyrstu Mósebókar sem fjallar um sköpunheimsins.
Fyrsta Mósebók er fyrsta rit Biblíunnar.

Þessi frásaga er úr bókinni, Þá munu steinarnir hrópa,eftir Sigurbjörn Þorkelsson.Bókin kom út 1996. Höf. gaf leyfi til að setja söguna inn hér.

Guð blessi ykkur !

Halldóra Ásgeirsdóttir.

Sofið í strætóskýlum

Komið þið sæl!
Það þarf ekki mikið að segja um svona frétt annað en að þarna er kærleikurinn í verki!
Guð blessi þetta góða starf!

Sofið í strætóskýlum

Mannanöfn,samþykkt af mannanafnanefnd.

Komið þið sæl!

Fyrir mögum árum hóf ég að safna sérkennilegum mannanöfnum, og á þau en í spjadskrá.Mér þótti það gaman af því enginn annar mér vitandi gerði það. Í seinni tíð hef ég ekki haft tíma til að sinna þessu áhugamáli,en ég hef samt sterka skoðun á því hvaða nöfn hæfa íslenskri tungu og hver eru bara ljót (afsakið orðbragðið).Það eru líka tískusveiflur í þessu eins og öðru.Í mínu ungdæmi hét t.d. enginn eða harla fáir Aron,en það nafn er nú vinsælt nafn.
En varðandi þessi ný samþykktu nöfn þá er kvenmanns nafnið Ermenga til í mínu gamla safni,ásamt Lofthænu.En það vill til að við þessar tvær manneskjur talaði ég við persónulega og get því staðfest að þessi nöfn voru til.
Mannanafna nefndin samþykkti nafnið Hlégestur á sínum tíma,en ég vona heitt og innilega að engum detti í hug að gefa barni sínu það nafn.Samt er það ekkert verra nafn en sum ónefni sem verið er að samþykkja.Amír finnst mér bara enganvegin hæfa íslenskri tungu.En ég sé það fyrir mér að "útlensk" nöfn eiga eftir að tengjast menningu okkar með tímanum.Það gerir fjölmenningar samfélagið svo kallaða.Mér finns sjálfsagt að útlendingar haldi sínu nafni,en taki upp íslenskt fyrsta nafn ef þeir verða ríkisborgarar hér.
Ég heyrði eitt sinn af því að piltur einn sem var að bera út blöðin heyrði kallað Bjarni,Bjarni.Strákur snéri sér við og sagði:Ég heiti Alli.En það var verið að kalla á heimilis hundinn sem hét þessu virðulega karlmanns nafni.
Það getur verið flókið að fjalla um mannanöfn, og ég ætla ekkert að haf þennan pistil lengri.
En minni á eitt sem er afar mikilvægt, að Drottinn Guð hefur skráð nafn þitt, og mitt í lófa sína.

Kærar kveðjur úr Garðabæ

Halldóra.

Nöfnin Ermenga og Úlftýr samþykkt

Boðskapur dagsins.

Komið þið sæl!

Fátækur skoskur smalapiltur gaf sig fram til kristniboðsstarfs.Þeir sem prófuðu hann komust að raun um að hann gæti í mesta lagi hjálpað til við líkamlega vinnu.
Ungi maðurinn sagði:Það skiptir engu máli ef ég aðeins fæ að þjóna Guði meðal heiðingjanna."Ég er reiðubúinn að vera skógarhöggsmaður eða vatnsberi í musteri Guðs míns."
Pilturinn var látinn ganga í skóla og síðan sendur til Morrisons,kristniboða í Kína.Hann var bæði lærður,trúfastur og kunnur kristniboði í Kína.Hann hét dr.William Mílne.
Jesús vann mikið kraftaverk og mettaði fimm þúsund manns með gjöf ungmennis. Jesús getur notað þann sem er minnstur allra.
Hvað sakar þó við séum lítil og léttvæg meðal manna úr því að Jesúe svo mikill getur notað okkur? Fái Jesús aðeins tekið gjafir okkar og hæfileika,okkur sjálf,í blessaðar hendur sínar gerist kraftaverk.Lítið verður stórt,fátæklingurinn ríkur og veikur maður sterkur.
Ungi hirðirinn Davíð varð mikill konungur.Hinn ungi og fátæki Gídeon varð voldug frelsishetja Ísraels.Daníel og Jósef kenna okkur það sama: Hið litla verður mikið í hendi Drottins.

Hér er ungur piltur með fimm byggbrauð og tvo fiska (Jóh.6,9)

Guð blessi þér daginn!

Halldóra.

Strákar í vanda.

Komið þið sæl!
Hér er einn góður til að brosa!

Faðir nokkur átti tvo syni.Þetta voru kraftmiklir strákar sem stöðugt komu sér í vanda með tiltækjum sínum.Faðir þeirra ákvað dag einn að ræða við þá um guðfræðileg málefni ef það mætti verða til þess að koma þeim til betri vegar.
Eitt sinn þegar eldri drengurinn var úti að leika sér kallaði á þann yngri og sagði. Siggi hvar er Guð? Siggi leit hægt upp á föður sinn og horfði á hann tómlátum augum og þagði.Eftir all langa þögn spurði faðir hans aftur Siggi,hvar er Guð? Engin svipbrigði sáust á drengnum sem stöðugt horfði á föður sinn þögull. Í þriðja sinn reyndi pabbi Sigga,veistu hvar Guð er? Þegar hann fékk ekkert svar syndist honum að rökræðurnar um Guð yrðu að bíða þar til síðar.
Hann sagði því,Allt í lagi farðu bara út að leika þér.Siggi lét ekki segja sér það tvisvar og hljóp í spretti út og á bak við húsið þar sem bróðir hans var að leik.Honum var mikið niðri fyrir og sagði: Nonni við erum í miklum vanda staddir.Guð er tyndur og pabbi heldur að við höfum tekið hann.

Munum að brosa,það gæti breytt deginum fyrir einhvern!

Bestu kveðjur úr Garðabæ

Halldóra.